Social Media: सोशल मीडियावर पोस्ट टाकण्यासाठी मोजावे लागणार पैसे

17 April 2024

Social Media X : जेव्हापासून टेस्ला आणि स्पेसएक्सचे सीईओ एलोन मस्क हे सोशल मीडिया प्लॅटफॉर्म X चे (पूर्वीचे ट्विटर) मालक बनले आहेत, तेव्हापासून सोशल मीडिया X मध्ये सातत्याने बदल केले जात आहेत. आता पुन्हा एलोन मस्क यांनी X संदर्भात मोठी घोषणा केली आहे. ज्यानुसार आतापासून यूजर्सना सोशल मीडियावर (Social Media X) पोस्टिंगसाठीही पैसे द्यावे लागणार आहेत.

टेस्ला आणि स्पेसएक्सचे सीईओ एलोन मस्क यांनी सोशल मीडिया X चे सुत्रे हाती घेतल्यापासून सर्वप्रथम त्यांनी ट्विटरचे नाव बदलून एक्स केले. नंतर लोगो बदलला. त्यानंतरही अनेक बदल करण्यात आले. आता मस्कने अशा बदलांशी संबंधित एक मोठी घोषणा केली आहे. आता एक्स नवीन वापरकर्त्यांना पोस्टिंगसाठी पैसे आकारण्याच्या विचारात होते.

कंपनी नवीन X वापरकर्त्यांवर हे शुल्क लादण्याचा विचार करत आहे. सोशल मीडिया प्लॅटफॉर्म X वर लिहिणे, लाईक करणे, बुकमार्क करणे आणि पोस्टला उत्तर देणे यासाठी पैसे द्यावे लागतील. X चे मालक इलॉन मस्क यांनी आपल्या हँडलवरील एका यूजरच्या पोस्टला उत्तर देताना हे सांगितले आहे. मात्र यासाठी किती शुल्क आकारले जाणार आहे आणि ते कधी आकारले जाणार याबाबत सध्या X कडून कोणतीही माहिती देण्यात आलेली नाही.

Unfortunately, a small fee for new user write access is the only way to curb the relentless onslaught of bots.

Current AI (and troll farms) can pass “are you a bot” with ease.
— Elon Musk (@elonmusk) April 15, 2024

मस्कने या संदर्भात पोस्टमध्ये लिहिले आहे की, नवीन वापरकर्ते तीन महिन्यांच्या कालावधीनंतर थोडे शुल्क भरून विनामूल्य पोस्ट करू शकतात. या नवीन नियमानंतर बॉट्स आणि बनावट खात्यांद्वारे ट्रोल्सची संख्या कमी होऊ शकते.

X-संबंधित समस्यांवर चर्चा करणाऱ्या फोरम X-News च्या मते, कंपनीने गेल्या वर्षी ऑक्टोबरमध्ये न्यूझीलंड आणि फिलिपाइन्समध्ये या धोरणाची चाचणी आणि अंमलबजावणी केली. त्याची वार्षिक फी एक डॉलर ठेवण्यात आली होती.