ताज्या बातम्या राजकारण राज्य लोकसभा २०२४

Vishal Patil : महाविकास आघाडीला मोठा धक्का बसणार

15 April 2024

Vishal Patil : महाविकास आघाडीला लवकरच मोठा धक्का बसणार आहे. महाविकास आघाडीमध्ये सांगली लोकसभेची जागा शिवसेना ठाकरे गटाला गेल्याने काँग्रेसमध्ये नाराजी आहे. सांगली लोकसभा (Sangli Lok Sabha) मतदारसंघातून काँग्रेसचे प्रदेश उपाध्यक्ष विशाल पाटील (Vishal Patil) हे इच्छुक आहेत. या जागेवरून काँग्रेस आणि ठाकरेंच्या शिवसेनेतील संबंध ताणल्याचेही दिसले होते. आता या मतदार संघातून एक नवीन माहिती समोर येत आहे.

महाविकास आघाडीने पुनः एकदा सांगलीच्या जागेबाबत फेरविचार करावा आणि ही जागा काँग्रेसला सोडावी असे आवाहन विशाल पाटील (Vishal Patil) यांनी केले आहे. अन्यथा ते अपक्ष लढणार असल्याची शक्यता आहे. १९ एप्रिलला अर्ज भरण्याच्या शेवटच्या क्षणापर्यंत त्यात बदलाची अपेक्षा काँग्रेसला आहे. त्यामुळे विशाल पाटील हे काँग्रेस पक्षातर्फे देखील एक अर्ज दाखल करणार आहेत. मात्र जर अखेरच्या दिवशीही सांगलीची जागा ठाकरे गटालाच गेली तर मात्र पुन्हा विशाल पाटील (Vishal Patil) अपक्ष अर्ज भरण्याची शक्यता आहे.

महाराष्ट्राचे माजी मुख्यमंत्री वसंतदादा पाटील यांचे विशाल पाटील हे नातू आहेत. तसेच ते सध्या काँग्रेसचे प्रदेश उपाध्यक्ष देखील आहेत. सांगली लोकसभेची जागा शिवसेनेला गेली. त्यामुळे विशाल पाटील यांच्याऐवजी महाविकास आघाडीत चंद्रहार पाटलांना सांगली लोकसभेची उमेदवारी मिळाली. यामुळे विशाल पाटील (Vishal Patil) यांचे समर्थक आणि काँग्रेस कार्यकर्ते आक्रमक झाले होते.

विशाल पाटील हे सांगली लोकसभा निवडणूक अपक्ष लढवणार आहेत. सोमवारी ते अपक्ष उमेदवारी अर्ज दाखल करण्याची शक्यता आहे.

दरम्यान, वंचित बहुजन आघाडीचे अध्यक्ष प्रकाश आंबेडकरांनी विशाल पाटील यांनी अपक्ष निवडणूक लढल्यास आम्ही त्यांना पाठिंबा देऊ असे जाहीर केले आहे. त्यामुळे सांगलीच्या लोकसभा मतदारसंघात पुढे काय होणार हे पहावे लागणार आहे.