Vasant More : वंचितचे उमेदवार वसंत मोरे घेणार राज ठाकरेंची भेट, मोरे पुन्हा मनसेत जाणार?

13 April 2024

0

Vasant More : महाराष्ट्र नवनिर्माण सेनेतून बाहेर पडलेले पुण्याचे माजी नगरसेवक आणि सध्याचे वंचित बहुजन आघाडीचे पुण्याचे लोकसभेचे उमेदवार वसंत मोरे (Vasant More) हे मनसे अध्यक्ष राज ठाकरे यांची भेट घेणार असल्याची माहिती समोर येत आहे. मनसेमधून बाहेर पडल्यामुळे राज साहेब नाराज आहेत, त्यामुळे ते राज ठाकरे (Raj Thackeray) यांची भेट घेणार असल्याचे वसंत मोरे यांनी सांगितले आहे.

---Advertisement---

वसंत मोरे (Vasant More) यांनी अनेक वर्षे मनसेसोबत काम केले. राज ठाकरे यांनी भोंग्याच्या बाबतीत निर्णय घेतल्यानंतर वसंत मोरे यांनी वेगळी भुमिका घेतली होती. तेव्हा पासून त्यांचे पक्षातील संबंध ताणले असल्याचे बोलले जात होते. आता वसंत मोरे (Vasant More) यांना वंचित बहुजन आघाडीने पुणे लोकसभेची उमेदवारी दिल्यानंतर वसंत मोरे हे राज ठाकरे यांची भेट घेणार आहे. तसेच लोकसभा निवडणुकीत राज ठाकरे (Raj Thackeray) यांचा पाठिंबा मागण्याचा मी प्रयत्न करणार असल्याचे त्यांनी म्हटले आहे.

वसंत मोर म्हणाले की, पक्षाच्या एका नेत्याकडे राजसाहेबांचा फोन आला होता. मी त्यांना विनंती करून सांगितलं की, कृपया मला फोन देऊ नका. मी राज साहेबांना फसवू शकत नाही. मला माघारी परत जायचंच नाहीये. मला आग्रह करुन साहेबांसोबत बोलायला लावू नका. मला ते जमणार नाही. बोलायला जड होईल. असं मोरे यांनी सांगितले.

---Advertisement---

मनसेमधून बाहेर पडल्यामुळे साहेब नाराज आहेत, आमचे मतभेद झालेत पण मनभेद झालेले नाहीत. मी त्यांच्या सोबत २५ वर्ष होतो. लोकसभा निवडणुकीत राज ठाकरे यांचा पाठिंबा मागण्याचा मी प्रयत्न करेन. पण, काय करावे, हा सर्वस्वी त्यांचा निर्णय असेल, असंही मोरे म्हणाले आहेत.

पुण्यात महाविकास आघाडीकडून रवींद्र धंगेकर यांना उमेदवारी देण्यात आली आहे. तर, महायुतीकडून माजी महापौर मुरलीधर मोहोळ यांना तिकीट मिळालं आहे. त्यांच्याविरोधात वंचितकडून मोरे यांनी आव्हान दिलं असल्याने पुणे लोकसभेची लढत तिरंगी होणार असल्याची चर्चा आहे.