Salman Khan : सलमान खानच्या घराबाहेर गोळीबार

14 April 2024

0

Salman Khan : अभिनेता सलमान खानच्या (Salman Khan) संदर्भात एक महत्वाची बातमी येत आहे. सलमान खानच्या वांद्रे येथील घराबाहेर गोळीबाराची घटना घडली आहे. रविवारी पहाटे पाच वाजेच्या सुमारास ही धक्कादायक घटना घडली आहे. या घटनेमुळे परिसरात एकच खळबळ उडाली आहे.

---Advertisement---

मिळालेल्या माहितीनुसार, बॉलिवूड अभिनेता सलमान खानच्या (Salman Khan) वांद्रे येथील गॅलेक्सी अपार्टमेंटबाहेर चार राऊंड गोळीबार करण्यात आला आहे. बाईकवरून आलेल्या दोघांकडून गोळीबार करण्यात आल्याची माहिती समोर येत आहे. ही घटना घडली तेव्हा सलमान खान घरीच होता. पोलीस आता सीसीटीव्ही कॅमेऱ्यांच्या माध्यमातून आरोपांना शोधण्याचा प्रयत्न करत आहे. याप्रकरणी पोलिसांकडून अधिक चौकशी सुरु आहे.

सलमान खानला याआधी देखील अनेकदा जीवेमारण्याची धमकी देण्यात आली होती. अशात ही गोळीबाराची घटना घडल्याने चाहत्यांकडून देखील चिंता व्यक्त करण्यात येत आहे. सध्या तरी या घटनेत कोणी जखमी झाल्याची माहिती नाही. या घटनेनंतर पोलिसांनी सलमान खानच्या निवासस्थानी सुरक्षा वाढवली आहे. याशिवाय फॉरेन्सिक टीमही तपासासाठी घटनास्थळी पोहोचली आहे.

---Advertisement---

2023 मध्ये देखील लॉरेन्स बिश्नोई टोळीकडून सलमानच्या ऑफिसला धमकीचा ईमेल पाठवण्यात आला होता. लॉरेन्स बिश्नोईच्या धमकीनंतर मुंबई पोलिसांनी सलमान खानची सुरक्षा वाढवली होती. सध्या सलमानला वाय प्लस सुरक्षा देण्यात आली आहे.

गँगस्टर लॉरेन्स बिश्नोईने सलमान खानला अनेकदा जीवे मारण्याची धमकी दिली आहे. अलीकडेच लॉरेन्स बिश्नोईने अभिनेता-गायक गिप्पी ग्रेवाल यांच्या कॅनडातील निवासस्थानावरही हल्ला केला होता.