Heat waves: हिंद महासागरात उष्ण लाटा, संपूर्ण देशात तापमान वाढ सुरू

4 May 2024

Heat waves : पुणे वेध शाळेनुसार, महाराष्ट्र राज्यात पुढील तीन दिवस हवामान कोरडे राहण्याची शक्यता आहे. कोकणात बहुतांश जिल्ह्यात पुढील 3 दिवस हवामान दमट उष्ण राहणार असून या भागासाठी अलर्ट देण्यात आलेला आहे. तर सोलापुरात, लातूर आणि उस्मानाबाद येथे आज आणि उद्या, बीड येथे उद्या उष्णतेची तीव्र लाट येण्याची शक्यता आहे. त्यामुळे येथे यलो अलर्ट देण्यात आलेला आहे. (Heat waves)

पुण्यातील आयआयटीएम संस्थेचे हवामान शास्त्रज्ञ रॉक्सी मॅथ्यू कोल यांच्या नेतृत्वाखाली अभ्यास गटाने महासागरातील तापमान वाढीचा अभ्यास केला आहे. त्यानुसार उष्णतेची भविष्यातील वाढ ही एका दशकासाठी दर सेकंदाला, दिवसभरात, दररोज वाढत आहे, अरबी समुद्रासह वायव्य हिंद महासागरात कमाल तापमान वाढ होईल, इंडो-पॅसिफिक प्रदेशात अत्यंत तीव्र हवामानाच्या घटना घडतील, तर सुमात्रा आणि जावा किनाऱ्यावरील तापमान कमी होईल. असे आयआयटीएम संस्थेच्या अभ्यास गटाने म्हंटले आहे.

Study Led by : Roxy Mathew Koll (of Indian Institute of Tropical Meteorology, Pune) .

• Study has warned that warming of Indian Ocean🌡️ was strongest during last 7 Decades at rate of 1.2°c per century .

• Warming of Indian Ocean will lead to :-
– Frequent severe cyclones
-… pic.twitter.com/qrtiEP7270
— Resonant News🌍 (@Resonant_News) May 1, 2024

गेल्या काही वर्षांमध्ये पृथ्वीचे तापमानही फार मोठ्या प्रमाणात वाढू लागले आहे. त्यामुळे सर्वत्र ग्लोबल वार्मिंगचा इशारा दिला जातो आहे. त्यामुळे दक्षिण आणि उत्तर ध्रुवातील बर्फ वितळण्याची शक्यता आहे. त्यातून महासागरांचीही पातळी वाढते आहे. ही आपल्यासाठी फारच चिंतेची बाबही आहे.

महाराष्ट्रातील कोकण किनारी प्रदेश, खानदेश, मराठवाडा, विदर्भ येथील सरासरी तापमान ४१ अंश सेल्सिअस राहील, तर पश्चिम महाराष्ट्रातील तापमान काही औद्योगिक शहरे वगळता तापमान सरासरी ३९ ते ४० अंश राहील, महासागरातील तापमान वाढीमुळे रात्रीचा उकाडा कमी होणार नाही. त्यामुळे यावर्षी संपूर्ण देशभर तापमान उच्च राहणार आहे. असा हवामान तज्ञांचा अभ्यास आहे.