Kanhaiya kumar : कन्हैया कुमार लोकसभेच्या मैदानात, या ठिकाणाहुन लढणार निवडणूक

14 April 2024

Kanhaiya kumar : लोकसभा निवडणूकाची रणधुमाळी सूरू असताना आता एक महत्वाची अपडेट हाती आली आहे. जेएनयू विद्यार्थी संघटनेचा अध्यक्ष कन्हैया कुमार हा लोकसभेच्या मैदानात उतराला आहे. काँग्रेसने १३ वी यादी जाहीर केले आहे. यादीत एकुण १० जणांना उमेदवारी देण्यात आली आहे. या यादीत काँग्रेसने कन्हैया कुमार (Kanhaiya kumar) यांनाही उमेदवारी दिली आहे.

दिल्लीत लोकसभा निवडणूक काँग्रेस आणि आम आदमी पार्टी एकत्र लढत आहेत. दिल्लीत आम आदमी पक्षाला ४ तर काँग्रेसला ३ जागा असे जागा वाटप झाले आहे. काँग्रेसने दिल्लीतील तिन्ही जागांसाठी आज आपले उमेदवार जाहीर केले आहेत. या यादी कन्हैया कुमार यांच्याही नावाची घोषणा केली आहे. कन्हैया कुमार यांना काँग्रेसने उत्तर पुर्व दिल्लीतून उमेदवारी दिली आहे. कन्हैया कुमार (Kanhaiya kumar) यांची लढत भाजपचे उमेदवार मनोज तिवारी यांच्याशी होणार आहे.

काँग्रेसने जाहीर केलेल्या या यादीत एकुण १० जणांच्या उमेदवारीची घोषणा केली आहे. त्यामध्ये काँग्रेसला मिळालेल्या दिल्लीतील तिन्ही जागांवर उमेदवार दिले आहेत. काँग्रेसने चांदणी चौकातून जेपी अग्रवाल यांना तिकीट दिले आहे. तर उदित राज हे उत्तर पश्चिम दिल्लीतून निवडणूक लढवणार आहेत.