ताज्या बातम्या राजकारण राज्य लोकसभा २०२४

Udayanraje Bhosale : उदयनराजे भोसले यांना साताऱ्यातून उमेदवारी जाहीर

16 April 2024

Udayanraje Bhosale : राज्यात सध्या लोकसभा निवडणुकांची रणधुमाळी सुरू आहे. जागा वाटपासाठी महायुतीमध्ये अनेक जागांसाठी संबंध ताणल्याचे बघायला मिळाले. साताऱ्याच्या जागेसाठी देखील उदयनराजे भोसले यांना अनेक दिवसांपासून वेटींगवर ठेवण्यात आले होते. मात्र आता भाजपने उदयनराजे भोसले (Udayanraje Bhosale) यांना साताऱ्यातून उमेदवारी जाहीर केली आहे.

सातारा लोकसभा मतदारसंघाच्या उमेदवारीसाठी उदयनराजे भोसले (Udayanraje Bhosale) हे सुरूवाती पासून इच्छूक होते. त्यांना उमेदवारी मिळणार की नाही याकडे सर्वांचे लक्ष लागले आहे. साताऱ्याच्या उमेदवारीसाठी उदयनराजे भोसले हे दिल्लीत गेले होते. दिल्लीत जाऊन देखील केंद्रीय गृहमंत्री अमित शहा यांच्या भेटीसाठी उदयनराजे यांना दोन दिवस प्रतीक्षा करावी लागली होती. शहांना भेटून साताऱ्यात परतल्यानंतर उदयनराजेंच्या कार्यकर्त्यांनी जोरदार शक्तिप्रदर्शन केले होते. आज अखेर उदयनराजे भोसले यांना उमेदवारी जाहीर करण्यात आली आहे.

दरम्यान, साताऱ्याच्या पोटनिवडणूकीमध्ये ही जागा राष्ट्रवादी काँग्रेसनं जिंकली. राष्ट्रवादीचे उमेदवार श्रीनिवास पाटील यांनी भाजपच्या तिकिटावर लढलेले उदयनराजे भोसले यांचा पराभव केला होता.

गेल्या निवडणुकीत ही जागा राष्ट्रवादीनं जिंकल्यानं साताऱ्यावर अजित पवारांच्या राष्ट्रवादीनं दावा सांगितला आहे. त्यामुळे महायुतीतील या जागेवरील तिढा वाढला होता. अखेर ही जागा भाजपला मिळाली आहे.