नाशिक : हॉटेलमध्ये बालकामगार नसल्याचा अहवाल देत गुन्हा दाखल न करण्याच्या मोबदल्यात हॉटेल चालकाकडून पाच हजार रुपयांची लाच घेताना कामगार उपायुक्त कार्यालयातील महिला निरीक्षकास लाचलुचपत प्रतिबंधक विभागाच्या पथकाने गुरुवारी (दि.१५) रंगेहाथ पकडले. निशा बाळासाहेब आढाव (दुकाने निरिक्षक, कामगार उपायुक्त कार्यालय, उद्योग भवन नाशिक) असे आरोपीचे नाव आहे.
सविस्तर वृत्त असे की, एका हॉटेल व्यवसायिक शहरात चालवीत असलेल्या हॉटेलमध्ये बालकामगार नोकरीस असल्याची बतावणी करून या प्रकरणात आढाव यांनी केलेल्या तपासणी दरम्यान नीरंक अहवाल पाठवून बाल कामगार असल्यासंदर्भात गुन्हा दाखल न करण्याच्या मोबदल्यात हॉटेल व्यावसायिकाकडे लाचलुचपक प्रतिंबधक विभागाच्या पंचासमक्ष ५ हजार रुपयांच्या लाचेची मागणी करून कामगार उपायुक्त कार्यालयात लाच स्विकारताना एसीबीने सापळा रचून पकडले.
सदर कारवाई सापळा अधिकारी पोलिस उपअधिक्षक अनिल बडगुजर यांच्यासह पथक पोलिस नाईक मनोज पाटील, अजय गरुड, शितल सूर्यवंशी यांनी रंगेहाथ पकडले असून सायंकाळी उशीरापर्यंत या प्रकरणात सातपूर पोलिस ठाण्यात गुन्हा दाखल करण्याची प्रक्रिया सुरू होती.
हे ही वाचा :
प्रवासी वाहतुक करू देण्यासाठी हप्ता घेणारा वाहतूक पोलीस लाच घेताना एसीबीच्या जाळ्यात
भीषण : पुणे-सोलापूर महामार्गावर ट्रकची ट्रॉलीला धडक ; चुलता – पुतणे जागीच ठार