पिंपरी चिंचवड / क्रांतीकुमार कडुलकर : दि. २८ – कार्यालयीन कामकाजात कार्यरत असताना उत्साहाने, प्रामाणिकपणे केलेल्या कामांचे कर्मचा-यांस समाधान लाभते, तोच सेवेतील खरा आनंद असतो, असे सांगून सर्व सेवानिवृत्तांनी पुढील आयुष्य आपले आरोग्य संभाळून, आनंदाने जगावे. असे प्रतिपादन पिंपरी चिंचवड (PCMC) महानगरपालिकेचे सह आयुक्त चंद्रकांत इंदलकर यांनी केले.
पिंपरी चिंचवड महानगरपालिकेच्या (PCMC) वतीने माहे मार्च २०२४ अखेर अधिकारी, कर्मचारी अशा एकुण २३ जणांचा सेवानिवृत्ती निमित्त सह आयुक्त इंदलकर यांच्या हस्ते स्मृतिचिन्ह देऊन सत्कार करण्यात आला त्यावेळी मार्गदर्शन करताना ते बोलत होते.
या कार्यक्रमास मुख्य कामगार कल्याण अधिकारी प्रमोद जगताप,जनता संपर्क अधिकारी प्रफुल्ल पुराणिक, लेखाधिकारी संदीप वडके, चारूशीला जोशी, कर्मचारी महासंघाचे नथा मातेरे, सुप्रिया जाधव आदी उपस्थित होते.
आज नियत वयोमानानुसार सेवानिवृत्त झालेल्यांमध्ये कार्यकारी अभियंता संजय तुपसाखरे, उपअभियंता राजेंद्र इंगळे, समाज विकास अधिकारी सुहास बहादरपूरे, लेखाधिकारी शरद रहाणे, कनिष्ठ अभियंता अब्दुलहमीद मोमीन, उपलेखापाल दत्तात्रय आचारी, मुख्याध्यापक रूक्साना मोमीन, स्वाती निकम, सविता वाव्हळ, सिस्टर इनचार्ज अरूणा धनराज, लॅब टेक्निशियन ज्ञानोबा वाघमारे, फार्मासिस्ट रामचंद्र लाड, उपशिक्षिका शामला राहींज, सुरक्षा सुपरवायझर सुरेश भोईर, मुकादम रामू जगताप, दिपक वारे, नंदकिशोर भालेराव, प्लंबर वसंत गावडे, रखवालदार मनोहर येनपुरे, मजूर काळूराम भालके, दिलीप काळजे यांचा समावेश होता. तर स्टाफनर्स शैला जाधव, मजूर बबन उगले यांनी स्वेच्छानिवृत्ती घेतली आहे. PCMC NEWS
कार्यक्रमाचे प्रास्ताविक प्रमोद जगताप यांनी तर सूत्रसंचालन आणि आभार प्रफुल्ल पुराणिक यांनी मानले.
हे ही वाचा :
अभिनेता गोविंदा यांचा राजकारणात प्रवेश, ‘या’ पक्षात केला प्रवेश
मोठी बातमी : दिलीप वळसे पाटील यांचा अपघात, खुब्याला मार तर हाथ फ्रॅक्चर
तुम्ही तर पाठीत खंजीर खुपसण्याचं काम केलं प्रकाश आंबेडकर यांचा संजय राऊतांवर घणाघात
शिवनेरीवर कोल्हे आणि आढळराव आमने – सामने, भेटीचा व्हिडिओ होतोय प्रचंड व्हायरल !
मोठी बातमी : खासदार नवनीत राणा यांचा भाजपमध्ये पक्ष प्रवेश
मोठी बातमी : वंचित बहुजन आघाडीचा महाविकास आघाडीला मोठा धक्का, वंचितने जाहीर केले आपले उमेदवार
मोठी बातमी : निवडणूक आयोगाला न्यायालयाचा मोठा दणका, अखेर ती निवडणूक रद्द