Junnar : डॉ.बाबासाहेब आंबेडकर जयंती उत्साहात साजरी

17 April 2024

Junnar : डॉ.बाबासाहेब आंबेडकरांनी दिलेली स्वातंत्र्य, समता आणि बंधुत्व या विचारांची शिकवण सर्वानी अंगिकारावी व त्यानुसारच आयुष्यात वाटचाल करावी असे प्रतिपादन आमदार अतुल बेनके यांनी केले. (Junnar)

डॉ. बाबासाहेब आंबेडकर यांच्या जयंती उत्सवानिमित्त आयोजित भव्य मिरवणूकीच्या निमित्ताने डॉ. आंबेडकर यांच्या पूर्णाकृती पुतळ्याचे अनावरण आमदार बेनके यांच्या हस्ते करून मिरवणूकीस सुरवात करण्यात आली. यावेळी उपस्थिताना बेनके यांनी संबोधित केले.

विघ्नहर सहकारी साखर कारखान्याचे चेअरमन सत्यशील शेरकर, माजी विक्रीकर आयुक्त के. बी. वाघमारे, माजी नगराध्यक्ष शाम पांडे, उज्वला शेवाळे, वैष्णवी चतुर, चंद्रकांत डोके, भाऊ कुंभार,तेजस रोकडे, अविन फुलपगार, श्रीकांत साळवे, अमित रोकडे, अमर चवरे, गौरव रोकडे, रोहित फुलपगार, अकिफ इनामदार, प्रसाद पानसरे, मूर्तिकार यतीन शेटे तसेच भीमअनुयायी मोठ्या संख्येने उपस्थित होते.

यानंतर जुन्नर शहरातून छत्रपती शिवाजी महाराज, महात्मा फुले, डॉ. बाबासाहेब आंबेडकर, माता रमाई यांच्या प्रतिमांची वाद्यांच्या गजरात भव्य मिरवणूक काढण्यात आली. यावेळी महापुरुषांच्या जयजयकाराने परिसर दुमदुमून गेला. जुन्नरचे पोलीस निरीक्षक किरण अवचर यांच्या मार्गदर्शनाखाली पोलिसांचा चोख बंदोबस्त ठेवण्यात आला होता.

तत्पूर्वी सकाळी डॉ. बाबासाहेब आंबेडकर यांच्या १३३ व्या जयंती निमित्ताने विविध संघटनाकडून डॉ. बाबासाहेब आंबेडकरांना अभिवादन करण्यात आले. नेहरू बाजार येथील डॉ.बाबासाहेब आंबेडकर यांच्या पुतळ्यास तहसीलदार रवींद्र सबनीस यांनी पुष्पहार अर्पण केला.

यावेळी भारतीय बौद्ध महासभेच्या वतीने सकाळी बुद्धवंदना घेण्यात आली. माजी नगरसेवक मधुकर काजळे, माजी नगरसेविका अलका फुलपगार, सामाजिक कार्यकर्ते संभाजी साळवे, आरपीआय चे पोपट राक्षे, प्राचार्य डॉ.महादेव वाघमारे, अतिश उघडे, सामाजिक कार्यकर्ते अनिल रोकडे, डॉ. बाबासाहेब आंबेडकर प्रतिष्ठानच्या वतीने डॉ. प्रदीप जोशी, अध्यक्ष गणेश वाव्हळ, अशोक खरात आदींनी अभिवादन केले.