Dehu : देहुरोड स्मशानभूमी परिसरात वृक्षारोपण

10 June 2024

पिंपरी चिंचवड / क्रांतीकुमार कडुलकर : पर्यावरण दिनानिमित्त (World environment day) देहुरोड येथील स्मशानभूमीच्या परिसरात व रस्त्याच्या दुतर्फा वृक्षारोपण करण्यात आले. Dehu

देहुरोड कँन्टोन्मेट बोर्डाचे उपाध्यक्ष ऍड. कैलास पानसरे व डॉ. रमेश बन्सल यांच्या प्रयत्नातून स्थानिक प्रजातींची झाडे यावेळी लावण्यात आली. याप्रसंगी भास्कर रिकामे यांनी उपस्थितांचे स्वागत करुन वृक्षारोपणाचे महत्व सांगितले. Dehu Road

देहुरोड कँन्टोन्मेट बोर्डाचे उपाध्यक्ष, अधिकारी व सर्व कर्मचारी या सर्वांचे गेली तिन वर्ष सलग नियमितपणे स्वच्छता मोहीम, वृक्षारोपण व संवर्धनासाठी सहकार्य व योगदान मिळते त्याबद्दल सर्वांच्या वतीने धन्यवाद मानले. तसेच स्मशानभूमी परिसरात तन मन व धनाने नंदनवन फुलवणारे प्रा. कैलाशचंद गोयल यांचा कैलास पानसरे व डॉ. रमेश बन्सल यांच्या हस्ते सन्मान करण्यात आला. Dehu Road news

झाडांच्या सुरक्षिततेसाठी सिटी वन ग्रुपने लोखंडी पिंजरे उपलब्ध करुन दिले, त्याबद्दल संचालक सुमित आगरवाल यांचा याप्रसंगी सन्मान करण्यात येऊन त्यांच्या हस्ते वृक्षपूजा करण्यात आली.

याप्रसंगी जयंत जाधव, सुनील आगरवाल, अशोक थोरात, रेक्स योहान, धनंजय राऊत, मनेश म्हस्के, विजय सातपुते, अर्चना राऊत, आदि निसर्ग मित्र उपस्थित होते. सदर वृक्षारोपण व संवर्धनासाठी देहुरोड कँन्टोन्मेट बोर्ड, स्वातंत्र्यवीर सावरकर मंडळ, निसर्ग मित्र विभाग, वृक्षदायी संस्था देहुगाव संस्थांचे सहकार्य लाभले.