ब्रेकिंग : रामोजी फिल्म सिटीचे संस्थापक रामोजी राव यांचे निधन

8 June 2024

0

Ramoji Rao : रामोजी फिल्म सिटीचे संस्थापक रामोजी राव यांचं निधन (Ramoji Rao Passed Away) झालं आहे. आज सकाळी हैदराबादच्या रुग्णालयात त्यांनी अखेरचा श्वास घेतला. काही दिवसांपासून ते आजारी होते. त्यांच्यावर रुग्णालयात उपचार सुरू होते. अखेर 8 जून 2024 रोजी पहाटे 4 वाजून 50 वाजता त्यांनी आपला अखेरचा श्वास घेतला.

---Advertisement---

रामोजी राव हे माध्यम विश्वातील एक मोठे व्यक्तिमत्व मानले जाते. ते रामोजी फिल्म सिटी आणि ईटीव्ही नेटवर्कचे मालक होते. 2016 मध्ये त्यांना पद्मविभूषणनेही सन्मानित करण्यात आले होते. उच्च रक्तदाब आणि श्वासोच्छवासाचा त्रास जाणवत असल्याने ५ जूनला त्यांना हैद्राबाद येथील एका रुग्णालयात दाखल करण्यात आलं होते. अखेर मृत्यूशी त्यांची झुंज अपयशी ठरली आणि रामोजी राव यांची प्राणज्योत मावळली. ते ८७ वर्षांचे होते. रामोजी राव यांच्या निधनाने दक्षिण भारतीय फिल्म इंडस्ट्रीमध्ये शोककळा पसरली आहे.

रामोजी राव यांचा जन्म १६ नोव्हेंबर १९३६ रोजी आंध्र प्रदेशातील एका लहानशा गावात झाला होता. त्यांनी आपल्या कारकिर्दीची सुरुवात पत्रकारितेपासून केली होती. त्यानंतर त्यांनी ‘ईनाडू’ या तेलुगू दैनिकाची स्थापना केली, जी आज तेलुगू भाषिक जनतेमध्ये अत्यंत लोकप्रिय आहे.

---Advertisement---

रामोजी राव यांच्या निधनाने त्यांच्या कुटुंबीयांवर दुःखाचा डोंगर कोसळला आहे. अनेक मान्यवरांनी त्यांना श्रद्धांजली अर्पण केली आहे. पंतप्रधान नरेंद्र मोदी, तेलंगणा आणि आंध्र प्रदेश राज्यांचे मुख्यमंत्री, आणि चित्रपटसृष्टीतील दिग्गजांनी त्यांच्या निधनाबद्दल शोक व्यक्त केला आहे.

Ramoji Rao यांच्यावर शासकीय इतमामाने अंत्यसंस्कार

रामोजी राव यांचे पार्थिव त्यांच्या रामोजी फिल्मसिटी येथील निवासस्थानी ठेवण्यात आले आहे. येथे त्यांचे कुटुंबीय, मित्र आणि चाहते त्यांना अखेरची श्रद्धांजली अर्पण करतील. तेलंगणा सरकारने रामोजी राव यांच्यावर शासकीय इतमामाने अंत्यसंस्कार करण्याची घोषणा केली आहे.