Mahadev Jankar : महादेव जानकर यांना राष्ट्रवादीच्या कोट्यातून उमेदवारी; “या” मतदारसंघातून लढणार!

30 March 2024

0

Mahadev Jankar : राष्ट्रीय समाज पक्षाचे नेते आणि आमदार महादेव जानकर (Mahadev Jankar) यांना महाविकास आघाडीने माढा लोकसभेची जागा दिल्यानंतर महायुतीच्या नेत्यांनी मनधरणी करत त्यांना एक जागा देऊन महायुतीमध्ये परत आणले होते. आता महादेव जानकर हे महायुतीमधून परभणी लोकसभा मतदारसंघासाठी अधिकृत उमेदवार असणार आहेत. राष्ट्रवादी काँग्रेसचे प्रदेशाध्यक्ष खासदार सुनील तटकरे यांनी महादेव जानकर (Mahadev Jankar) यांच्या उमेदवारीची घोषणा केली आहे.

---Advertisement---

खरंतर, जानकर हे महायुती आणि महाआघाडी अशा दोन्हींकडे लोकसभा लढविण्यासाठी आशा लावून बसले होते. माढा येथून महायुतीने आपला उमेदवारी जाहीर केल्याने आणि महाविकास आघाडी परभणी द्यायला तयार नसल्याने त्यांची अडचण झाली होती. त्यानंतर त्यांनी राष्ट्रवादीचे नेते शरद पवार यांना देखील भेटले असताना अचानक महायुतीने त्यांना आपल्याकडे ओढले.

जानकर यांना राष्ट्रवादी काँग्रेसच्या कोट्यातून परभणीची जागा सोडण्यात आल्याची माहिती प्रदेशाध्यक्ष खासदार सुनील तटकरे यांनी दिली. त्यामुळे आता परभणी लोकसभेसाठी महादेव जानकर हे मैदानात उतणार आहेत. त्यांचा सामना शिवसेना- उद्धव बाळासाहेब ठाकरे पक्षाचे खासदार संजय जाधव यांच्याशी होणार आहे.

---Advertisement---

…आपण महायुतीचा आभारी – महादेव जानकर

आपल्या छोट्या पक्षाला सामावून घेतले आहेत त्याबद्दल मी सर्वांचे आभार मानले होते. मी महायुतीला दोन जागा मागितल्या होत्या त्यातील त्यांनी एक दिली. त्यामुळे पन्नास टक्के भागीदारी दिल्याबद्दल आपण महायुतीचे आभारी असल्याचे महादेव जानकर म्हणाले.

राष्ट्रवादीच्या उमेदवारांची घोषणा

राष्ट्रवादीने महायुतीकडे सहा ते सात जागा मागितल्याची माहिती सुनील तटकरे यांनी दिली. सुनील तटकरे हे स्वतः रायगडमधून रिंगणात असणार आहेत. बारामतीमधून उपमुख्यमंत्री अजित पवार यांच्या पत्नी सुनेत्रा पवारांची उमेदवार निश्चित आहे, तर शिरूरमधून माजी खासदार शिवाजीराव आढळराव पाटील यांची उमेदवारी जाहीर करण्यात आली आहे.