१. रातुम विद्यापीठाच्या कुलगुरू पदासाठी निवड
राष्ट्रसंत तुकडोजी महाराज नागपूर विद्यापीठाच्या कुलगुरू पदासाठी अंतिम उमेदवारांची निवड झाली आहे. 7 ऑगस्ट रोजी राज्यपालांसमोर या उमेदवारांची मुलाखत घेण्यात येणार आहे. या उमेदवारांमधून डॉ.विनायक देशपांडे, डॉ.सुभाष चौधरी, नांदेडचे डॉ. गणेशचंद्र शिंदे, पुण्याचे डॉ.पी.एस. खोडके आणि मुंबईचे डॉ. सुनील भागवत यांची नावे निवडली गेली आहेत.
२. नागपुरातील यूपीएससीमध्ये 6 विद्यार्थी
यूपीएससीने (युनियन पब्लिक सर्व्हिस कमिशन) नागरी सेवा परीक्षा 2019 चा अंतिम निकाल जाहीर केला आहे. यात नागपूरचे विद्यार्थी देखील आहेत. निखिल दुबे ( 733 रँक), सुमित रामटेके (748), प्रसाद सीताराम शिंदे (287), प्रज्ञा खंडारे (791), आशित कांबळे (651), स्वरूप दीक्षित (827) इत्यादी सहा विद्यार्थी आहेत.
३. डेटा सायन्स मधील आयआयटीचा ई-कोर्स
आयआयटी मद्रासने प्रोग्रामिंग आणि डेटा सायन्स हा नवीन कोर्स सुरू करण्याची घोषणा केली आहे. आयआयटीनुसार विद्यार्थी 15 सप्टेंबरपासून वेबसाइटद्वारे प्रवेशासाठी अर्ज करू शकतात.
४. यूपीएससी निकाल
यूपीएससीने (युनियन पब्लिक सर्व्हिस कमिशन) नागरी सेवा परीक्षा 2019 चा अंतिम निकाल जाहीर केला आहे. यात प्रदीप सिंगने संपूर्ण देशात अव्वल स्थान मिळविले आहे, तो हरियाणाचा आहे. जतीन किशोर दुसर्‍या क्रमांकावर आला आहे. उत्तर प्रदेशमधील सुलतानपूरच्या प्रतिभा वर्मा ने तिसरा क्रमांक मिळविला आहे. ती महिलांमध्ये प्रथम स्थानावर आहे. यामध्ये एकूण 829 उमेदवारांची निवड झाली आहे. जनरलचे 304, ईडब्ल्यूएसचे 78, ओबीसीचे 251, एससीचे 129 आणि एसटीचे 67 लोक आहेत.
५. डीयू प्रोफेसरची एनआयए कोठडी वाढविण्यात आली
एल्गार परिषद प्रकरणात अटक झालेल्या दिल्ली विद्यापीठाचे प्राध्यापक हनी बाबूची एनआयए कोठडी 7 ऑगस्टपर्यंत वाढविण्यात आली आहे. गेल्या आठवड्यात त्याना अटक करण्यात आली होती. आरोपींचा सीपीआय (माओवादी) शी संबंध असल्याचे युक्तिवाद एनआयएने केले.
६. महाराष्ट्रातही यूपीएससी चे टॉपर
नागरी सेवा परीक्षा -2019 मध्येही महाराष्ट्रातील 90 हून अधिक उमेदवार यशस्वी झाले आहेत. नेहा भोसले राज्यातून प्रथम तर मंदार पत्की दुसर्‍या क्रमांकावर आहे. पहिल्या 100 मध्ये महाराष्ट्रातील 5 उमेदवार आहेत.