Junnar : रमजान निमित्त मुस्लिम समाज बांधवांची जुन्नर पोलीस ठाण्यात बैठक संपन्न

11 March 2024

जुन्नर (रफिक शेख): रमजान महिन्याची सुरूवात दोन दिवसांत होत आहे. या पार्श्वभुमीवर सोमवार मुस्लिम समाज बांधवांची जुन्नर (Junnar) पोलीस ठाण्यात शांतता कमिटीची बैठक पार पडली. जुन्नर पोलीस ठाण्याचे पोलिस निरिक्षक किरण अवचर ही बैठक आयोजित केली होती. Junnar

पोलिस निरिक्षक किरण अवचर यांनी मुस्लिम समाजाच्या समस्या समजून घेत जुन्नर शहरात सामाजिक सलोखा कसा कायम राहील याबाबत मार्गदर्शन केले. तसेच, जुन्नर शहरातील सदाबाजार पेठ ते जुन्नर नगरपरिषद या ठिकाणी सायंकाळी उपास सोडण्यासाठी दुकाने लागत आहे, त्यामुळे ट्रॅफिकची समस्या निर्माण होत आहे. या निमित्ताने या परिसरातील दुकानाचे नियोजन जुन्नर पोलीस ठाण्याचे पोलिस निरिक्षक किरण अवचर यांच्या मार्गदर्शनाखाली त्यांचे अधिकारी करणार आहेत.

दरम्यान, या बैठकीसाठी जुन्नर शहराचे माजी नगरसेवक ऍड. जमीर भाई कागदी, रउफ खान, सईड पटेल, रउफ इनामदार, युसुफ भाई याकूब शेख, इसहाक कागदी, मजहर तिरंदाज आदी उपस्थित होते.