ताज्या बातम्या बॉलिवूड राजकारण राज्य लोकसभा २०२४

Sunil Shetty: अभिनेता सुनील शेट्टी प्रचाराच्या मैदानात, ‘या’ उमेदवाराचा केला प्रचार

14 April 2024

Sunil Shetty : लोकसभेच्या निवडणूकीचे वातावरण आता चांगले तापले असून सर्वच पक्षांचा जोरदार प्रचार सुरू आहे. उमेदवारांच्या प्रचारासाठी आता बॉलिवूडचे कलाकार देखील प्रचारासाठी मैदानात उतरले आहेत. काही दिवसांपुर्वीच गोविंदाने शिंदेच्या शिवसेनेत प्रवेश केला आहे. तसेच गोविंदा शिवसेनेच्या उमेदवारांचा प्रचार करत आहे. आता बॉलिवूड मधील अभिनेता सुनील शेट्टी (Sunil Shetty) देखील प्रचाराच्या मैदानात उतरला आहे.

बॉलिवूड अभिनेता सुनील शेट्टी (Sunil Shetty) यांनी नुकताच चंद्रपुर मध्ये प्रचार केला. भाजप नेते आणि महायुतीचे चंद्रपूर-आर्णी-वणी लोकसभा मतदारसंघाचे उमेदवार सुधीर मुनगंटीवार यांच्या प्रचारासाठी सुनील शेट्टी मैदानात उतरले आहे. सुनील शेट्टी यांनी सुधीर मुनगंटीवार यांच्यासाठी आज भद्रावती आणि वरोरा येथे रोड शो केला. तसेच मतदारांशी संवाद साधला.

सुनील शेट्टी यांच्या रोड शोला भद्रावती येथील स्व.बाळासाहेब ठाकरे प्रवेशद्वारापासून ते नाग मंदिरापर्यंत हा रोड शो झाला. या रोड शो दरम्यान, ठिकठिकाणी जोरदार स्वागत करण्यात आले. महिलांनी त्यांना पंचारतीने ओवाळले तर पुष्पवृष्टी देखील केली.

काय म्हणाले सुनील शेट्टी ?

अभिनेते सुनील शेट्टी बोलताना, सुधीर मुनगंटीवार यांच्यासारखा लोकनेता आपल्याला उमेदवार म्हणून लाभलेला आहे, हे आपले भाग्य असून चंद्रपूर लोकसभा क्षेत्राच्या सुरक्षित आणि उत्तम भविष्यासाठी सुधीर मुनगंटीवार यांना प्रचंड बहुमताने विजयी करा, असे आवाहन शेट्टी यांनी केले.

तसेच, लोकसभेची ही निवडणूक अतिशय महत्त्वाची आणि निर्णायक असून भारताचे उज्वल भविष्य ठरविणारी आहे. यासाठी आपल्याला पंतप्रधान म्हणून नरेंद्र मोदी यांनाच बघायचे असल्यामुळे भद्रावतीच्या जनतेने भविष्याचा विचार करून सुधीर मुनगंटीवार यांनाच मतदान करावे असे आवाहनही सुनील शेट्टी यांनी केले.