ताज्या बातम्या राजकारण राज्य लोकसभा २०२४

Ravindra Dhangekar: रवींद्र धंगेकर यांच्याकडून पुणे लोकसभा मतदारसंघातून अर्ज दाखल

18 April 2024

Ravindra Dhangekar: महाविकास आघाडीतर्फे काँग्रेसचे आमदार रवींद्र धंगेकर (Ravindra Dhangekar) यांनी पुणे लोकसभा मतदारसंघातून उमेदवारी अर्ज भरला. पुणे, मावळ व शिरूर या तीन लोकसभा मतदारसंघांसाठी आजपासून उमेदवारी अर्ज दाखल करण्यास सुरुवात झाली.

त्यावेळी त्यांच्यासोबत बारामती लोकसभा मतदारसंघातील उमेदवार व विद्यमान खासदार सुप्रिया सुळे, शिरूर लोकसभा मतदारसंघातील उमेदवार व खासदार डॉ. अमोल कोल्हे, काँग्रेसचे नेते बाळासाहेब थोरात, आमदार विश्वजित कदम, अशोक पवार, संजय जगताप, सचिन अहिर, माजी आमदार उल्हास पवार आदी उपस्थित होते.

धंगेकर यांनी आपला अर्ज पुणे लोकसभा मतदारसंघाचे निवडणूक निर्णय अधिकारी व जिल्हाधिकारी डॉ. सुहास दिवसे यांच्याकडे सुपुर्द केला. धंगेकर यांची लढत महायुतीचे उमेदवार मुरलीधर मोहोळ, वंचित बहुजन आघाडीचे उमेदवार वसंत मोरे यांच्यासोबत होणार आहे.