CPIM : काँग्रेस पाठोपाठ आता भारतीय कम्युनिस्ट पार्टी (मार्क्सवादी) या पक्षाचे देखील बँक खाते गोठावल्याची माहिती आहे. केरळमधील त्रिशूर जिल्ह्यातील एका राष्ट्रीयीकृत बँकेतील भारतीय कम्युनिस्ट पार्टी (मार्क्सवादी) म्हणजेच CPI(M) च्या जिल्हा समितीचे खाते प्राप्तिकर विभागाने (IT) गोठवले आहे.
द हिंदूच्या वृत्तानुसार, जप्तीच्या वेळी या खात्यात अंदाजे ४.८ कोटी रुपये जमा झाले होते. नुकतेच या खात्यातून एक कोटी रुपये काढण्यात आल्याने आयकर विभागाचे लक्ष वेधले गेले. ५ एप्रिल रोजी, अधिकाऱ्यांनी बँकेचा शोध घेत पैसे काढल्याची पुष्टी केल्यानंतर, सीपीआय(एम) त्रिशूर जिल्हा सचिव एम.एम. वर्गीस यांची चौकशी करण्यात आली. प्राथमिक तपासानंतर प्राप्तिकर विभागाने हे खाते गोठवले आहे. पक्षाने दाखल केलेल्या वार्षिक रिटर्नमध्ये या खात्याचा उल्लेख नसल्याच्या आरोपावरून ही कारवाई करण्यात आली आहे.
या कारवाईवर त्रिशूर जिल्हा सचिव एम.एम. वर्गीस म्हणाले की, निवडणुकीच्या कामांसाठी निधी काढणे स्वाभाविक आहे. निवडणुकीत डाव्या आघाडीला रोखण्यासाठी भाजप केंद्रीय यंत्रणांचा वापर करत असल्याचा आरोपही त्यांनी केला.
माकपचे महासचिव सीताराम येचुरी म्हणाले की, (CPIM) त्रिशूर जिल्हा समितीला पाठवलेली ‘आयटी’ ची नोटीस पूर्णपणे निषेधार्ह आहे. पक्षाने देशव्यापी सर्व खात्यांचा एकत्रित तपशील कायद्यानुसार IT आणि ECI कडे आधीच दिला आहे. तसेच त्यांच्या वेबसाइटवर देखील प्रदर्शित करण्यात आला आहे. पुढे ते म्हणाले, वर्षभरात एकही आक्षेप घेण्यात आला नाही. मात्र आता निवडणूक प्रक्रिया सुरू असताना राजकीय हेतूने केरळमध्ये सीपीआय(एम)च्या नेतृत्वाखालील एलडीएफ विरुद्ध मोदी सरकार ही कारवाई करत आहे.
सीताराम येचुरी म्हणाले की, आज त्रिशूर येथील आमच्या जिल्हा सचिवांना पासबुक घेऊन बँकेत जाण्याचे निर्देश देणारी नोटीस मिळाली. कोणतेही स्पष्टीकरण दिले नाही. आपल्या अधिकाराचा वापर करून त्यांनी व्यवस्थापकाला आदेश जारी केला. येचुरी पुढे म्हणाले की, बँक ऑफ इंडियाने आम्हाला कळवले की आम्ही परवानगी देत नाही तोपर्यंत सीपीआय (एम) खात्यात व्यवहारांना परवानगी दिली जाणार नाही. यावरून हा राजकीय हेतूने केलेला हल्ला असल्याचे सूचित होते.
हे ही वाचा :
निवडणूक आणि प्रचार ; राजकीय पक्षांनी घ्यावयाची खबरदारी
मुद्रीत माध्यमाच्या जाहिरातीचे पूर्व प्रमाणीकरण आवश्यक
समाज माध्यमांचा गैरवापर करणाऱ्या ४ जणांना नोटीस, १३ जणांचा शोध सुरू
मोठी बातमी : शरद पवार गटाला मोठा धक्का बसणार, ‘हा’ बडा नेता भाजपच्या वाटेवर
मोठी बातमी : एकनाथ खडसे यांची लवकरच भाजपमध्ये घर वापसी होणार
मोठी बातमी : कल्याण लोकसभेसाठी देवेंद्र फडणवीसांकडून उमेदवार जाहीर
वेळ पडल्यास उमेदवारांना हॅलिकॉफ्टरने आणू, हसन मुश्रीफ यांचे मोठे विधान
मोठी बातमी : श्रीकांत शिंदे यांच्या उमेदवारीवर देवेंद्र फडणवीस यांचे मोठे विधान
अभिनेत्री कंगना रणौत झाली होती बारावीत नापास, आज भाजपची लोकसभेची उमेदवार
कंगना राणौतने भारताचे पहिले पंतप्रधान म्हणून घेतले ‘यांचे’ नाव, लोक करताहेत ट्रोल
आरटीई कायद्यातील बदलाच्या आदेशाची प्रत जाळून पालकांनी केला निषेध!