Chandrapur : विचित्र घटना ; माणसाच्या चेहऱ्यासारखे बकरीचे पिल्लू, अख्खं गाव चकित

6 July 2024

चंद्रपूर : चंद्रपूर जिल्ह्यातील (Chandrapur) चेक बेरडी गावात एक अनोखी आणि आश्चर्यकारक घटना घडली आहे. या गावातील एका शेतकऱ्याच्या घरी जन्मलेल्या बकरीच्या पिल्लाने अख्खं गाव चकित केले आहे. या बकरीच्या पिल्लाचे विशेष म्हणजे त्याचा चेहरा माणसासारखा दिसत होता. (Chandrapur)

चेक बेरडी गावातील शेतकरी आत्राम परिवाराच्या बकरीला दोन पिले झाली. त्यातील एक पिल्लू सामान्य आणि इतर पिल्लांसारखे होते. मात्र दुसरे पिल्लू गावात आणि सोशल मीडियावर चर्चेचा विषय ठरले आहे. या पिल्लाचा चेहरा एखाद्या वृद्ध माणसासारखा दिसत होता. दाढी, माणसासारखे डोळे आणि चेहऱ्याचे वैशिष्ट्ये असलेले हे पिल्लू पाहण्यासाठी गावातील नागरिकांची मोठी गर्दी झाली होती. हे पिल्लू जन्मताच अतिशय नाजूक होते.

आत्राम परिवाराने या पिल्लाला वाचवण्याचा प्रयत्न केला, मात्र त्यात त्यांना यश आले नाही. या पिल्लाच्या मृत्यूनंतर गावातच खड्डा खणून आत्राम परिवाराने हे विचित्र पिल्लू पुरले. या विचित्र पिल्लाच्या जन्माची माहिती परिसरात वाऱ्यासारखी पसरली, त्यामुळे पंचक्रोशीतील नागरिकांची तोबा गर्दी उसळली होती. (Chandrapur)

तज्ञांच्या मते, हे कोणतंही आश्चर्य नव्हे तर जनुकीय बदलाचा परिणाम आहे. जनुकीय बदलामुळे या पिल्लाच्या चेहऱ्याचे रूपांतर माणसासारखे झाले होते. अशा घटनांमध्ये जनुकीय बदलामुळे विविध स्वरूपे दिसतात, जेव्हा जनुकीय माहितीची पुनर्रचना होते.

चंद्रपूर जवळच्या गावात जन्मलं माणसाच्या चेहऱ्याचे बकरीचे पिल्लू , पहायला लोटली मोठी गर्दी#chandrapur pic.twitter.com/hkuvzmVHSu
— TV9 Marathi (@TV9Marathi) July 6, 2024

Chandrapur येथील घटना

हे विचित्र पिल्लू आता सोशल मीडियावर व्हायरल झाले आहे. गावातील लोकांमध्ये याबद्दल चर्चा सुरू आहे. हे पिल्लू मृत्यूनंतर गावात पुरले गेले असले तरीही, त्याची चर्चा अजूनही सुरूच आहे. बकरीच्या पिल्लाच्या माणसासारख्या चेहऱ्याच्या या घटनामुळे गावातील नागरिकांच्या मनात अजूनही आश्चर्य आणि कुतूहल कायम आहे.