Accident : रिलसाठी स्टंट करताना दुचाकीवरून तरुणाचा भीषण अपघात, धक्कादायक व्हिडिओ व्हायरल

6 July 2024

Accident : सध्या सोशल मीडियावर रील्स आणि स्टंट्स बनवण्याची क्रेझ तरुणांमध्ये खूपच वाढली आहे. मात्र, ही क्रेझ अनेकदा त्यांच्यासाठी जीवघेणी ठरते. अशाच एका घटनेत धोकादायक स्टंट करताना एका तरुणाने आपला जीव गमावला आहे. (Accident)

धुळे-सोलापूर महामार्गावरील बीड बायपासवर दुचाकीचा भीषण अपघात झाला. या अपघातात एका तरुणाने जीव गमवला असून, हा अपघात दुचाकीवर स्टंट करत असताना घडला आहे. ही घटना सोशल मीडियावर व्हायरल झालेल्या व्हिडिओतून समोर आली आहे. ड्रायव्हिंग करताना स्टंट्स आणि रील्स चित्रीकरणाच्या धोक्यांची चर्चा पुन्हा एकदा वाढली आहे. व्हिडिओतून दिसते की, तरुण दुचाकीवर धोकादायक स्टंट करत असताना त्याचा ताबा सुटला आणि दुचाकी रस्त्यावर कोसळली. (Accident)

चलती बाइक पर रील बनाने के दौरान दो युवकों का एक्सीडेंट हो गया. हादसे में एक की मौके पर ही मौत हो गई, जबकि एक गंभीर रुप से घायल है. ये हादसा धुले-सोलापुर हाईवे पर बीड बाईपास पर हुआ.#Reel | #Viral | #Accident pic.twitter.com/nMpFa2GtYJ
— NDTV India (@ndtvindia) July 6, 2024

मिळालेल्या माहितीनुसार, दुचाकीवर मागे बसलेला तरूण सेल्फी कॅमेऱ्याच्या माध्यमातून रिल काढत होता. बाईक वेगात चाललेली असताना तो मागे वळून पाहून कॅमेऱ्याला बोटांनी व्हिक्टरी साईन दाखवत होता. विशेष म्हणजे बाईक चालवत असलेला तरुणदेखील रिल तयार करण्यासाठी फोनमध्ये बघण्याचा प्रयत्न करत होता. (Accident)

या अपघातात एक जणाचा मृत्यू झाला आहे तर एक जखमी झाला आहे. जखमी झालेल्या तरुणाला तत्काळ जवळच्या रुग्णालयात दाखल करण्यात आले असून, सध्या त्याच्यावर उपचार सुरू आहेत. दोघंही तरुण जालन्याचे रहिवासी आहेत. यातील मृत तरुणाचे नाव आनिरुध कळकांबे असून तो जालना जिल्ह्यातील गणेश पूरमधील रहिवाशी आहे.