ST Bus Accident: 66 प्रवाशांनी भरलेल्या एसटी बसचा भीषण अपघात

3 May 2024

ST Bus Accident : छत्रपती संभाजीनगर मध्ये एक भीषण अपघाताची घटना घडली आहे. छत्रपती संभाजीनगर (Chhatrapati Sambhajinagar) जिल्ह्यातील अजिंठा घाटात एसटी बसचा भीषण अपघात (Accident) झाल्याची घटना घडली आहे. बसचालकाचे बसवरील नियंत्रण सुटल्याने बस पलटी (ST Bus Accident) झाल्याची प्राथमिक माहिती आहे. या बसमधून तब्बल 66 प्रवासी प्रवास करत होते.

मिळालेल्या माहितीनुसार, राज्यातील महाराष्ट्र परिवहन महामंडळाची बस पुणे ते रावेर प्रवास या मार्गावरुन ही बस धावत होती. अजिंठा घाटात येताच, चालकाचे बसवरील नियंत्रण सुटल्याने बस पलटी (ST Bus Accident) होऊन अपघात झाला. अपघात झाला त्यावेळी बस मध्ये तब्बल 66 प्रवासी प्रवास करत होते. या अपघातात अनेक प्रवासी जखमी झाले आहेत.

गेल्या काही दिवसांत अपघातांच्या घटनामध्ये मोठ्या प्रमाणावर वाढ झाल्याचे दिसून येत आहे. अशात आता पुन्हा अजिंठा घाटात बसचा अपघात झाला आहे. या अपघातात 7 ते 8 जण जखमी झाले आहेत. बस रस्त्यावरुन खाली घसरल्याने पलटी होवून बसचेही मोठे नुकसान झाले आहे. बसच्या पुढील व पाठीमागील बाजूच्या काचा फुटल्या असून टायरही निखळल्याचे दिसून येत आहे.

अपघाताची माहिती मिळताच, स्थानिकांनी व पोलीस प्रशासनाने घटनास्थळी धाव घेऊन मतदकार्य सुरू केले. अपघातामधील जखमी प्रवाशांना उपचारासाठी अजिंठा येथील शासकीय ग्रामीण रुग्णालयात हलवण्यात आले आहे. तर, काही जणांना खासगी रुग्णालयाही उपचारासाठी दाखल करण्यात आले आहे.