Sushilkumar Pawara: सुशिलकुमार पावरा यांचा उमेदवारी अर्ज दाखल

25 April 2024

Sushilkumar Pawara: नंदूरबार लोकसभा मतदारसंघात बिरसा फायटर्सचे राष्ट्रीय अध्यक्ष सुशिलकुमार पावरा यांनी आज २५ एप्रिल २०२४ रोजी अपक्ष उमेदवार म्हणून आपला उमेदवारी अर्ज दाखल केला. जिल्हाधिकारी नंदूरबार मनिषा खत्री यांना उमेदवारी अर्ज सादर करण्यात आला.

त्यावेळी सुशिलकुमार पावरा (Sushilkumar Pawara) यांनी माध्यमांशी संवाद साधताना म्हणाले की, नंदूरबार लोकसभा क्षेत्र भ्रष्टाचार मुक्त करणे, रस्ते खड्डेमुक्त करणे, व्यसनमुक्त करणे, १०० पेसा कायद्याची अंमलबजावणी करणे, ५ वी, ६ वी अनुसूचि लागू करणे, १०० वनदावे मंजूर करणे, डीबीटी योजना कायमस्वरूपी बंद करणे अशी अनेक उद्देश समोर ठेऊन आम्ही ही निवडणूक लढवित असल्याचे त्यांनी सांगितले.

पुढे ते म्हणाले, भाजप व काँग्रेस उमेदवारांचे अद्याप निवडणूकीचे ध्येय ठरलेले नाहीत. पक्षाच्या केंद्रीय कमिटीने ठरविलेले जाहीरनामे व्हाटसऍपवर शेअर केले जात आहे. नंदूरबार लोकसभा क्षेत्रासाठी भाजप व काँग्रेसचे निश्चित ध्येय नसल्याची टीकाही पावरा यांनी केली.

काँग्रेसचे उमेदवार गोवाल पाडवी व भाजपच्या उमेदवार हिना गावित हे निवडणूक पूर्वीच बॅन्ड वाजे आणून गाजावाजा करत आहेत. यांनी आधीच सर्व सामान्य जनतेचे बॅन्ड वाजवले आहेत. काँग्रेस आमदार तथा माजी मंत्री के.सी. पाडवी यांनी धडगांव व अक्कलकुवा भागात ३५ वर्षांत भंगार रस्ते करून ठेवलेत. भाजपच्या हिना गावित नंदूरबार शहर ठिकाणी राहतात, तिथेही अद्याप कोकणीहील सारख्या भागात रस्ते झाले नाहीत, शहरातील रस्ते खराब आहेत. त्यामुळे नंदूरबार लोकसभा क्षेत्रातील जनता मतदानाच्या माध्यमातून भाजप व काँग्रेस उमेदवारांची बॅन्ड वाजवणार आहेत. आम्हीही यांचा आता बॅन्ड वाजवणार आहोत. ही निवडणूक नक्कीच आम्ही जिंकू. अशी प्रतिक्रिया बिरसा फाइटर्सचे राष्ट्रीय अध्यक्ष सुशिलकुमार पावरा यांनी दिली.