पिंपरी चिंचवड : महानगरपालिकेच्या विद्युत खांबांवर टाकून डीटीएच इंटरनेटच्या केबल अनधिकृतपणे टाकण्यात आल्याने सर्वच रस्त्याचे विद्रूपीकरण झाले आहे. महात्मा फुलेनगर, चिखली परिसरात सध्या सर्वत्र अनधिकृत केबलचा गुंता वाढला आहे. पालिकेची कोणतीही परवानगी न घेता सर्रासपणे विद्युत खांबांवरून, इमारतीवरून, झाडांवरून जेथे जागा मिळेल तेथे अशा केबलचे जाळे पसरले आहे. केबलवर नाव नसल्यामुळे त्या मालकाचे नाव समजत नाही, त्यामुळे नोटीस देता येत नाही.
अनधिकृतपणे टाकलेल्या केबलमुळे परिसराचा बकालपणा वाढला आहे हे स्पष्ट दिसून येत आहे. महानगरपालिकेतर्फे या केबलचे सर्वेक्षण करून कारवाई करण्यात यावे, असे नागरिकाकडून मागणी होत आहे.