Navneet Rana: नवनीत राणांना कोर्टात हजर राहण्याचे आदेश

27 April 2024

Navneet Rana : अमरावतीतील भाजपच्या उमेदवार नवनीत राणा व त्यांचे पती रवी राणा यांना सत्र न्यायालयाने 9 मे रोजी हजर राहण्याचे आदेश दिले आहेत. कायदा व सुव्यवस्था बिघडवल्या प्रकरणी हे आदेश देण्यात आले आहे.

नवनीत राणा (Navneet Rana) व त्यांचे पती रवी राणा यांनी दोन वर्षांपूर्वी हनुमान चालिसा पठणचा प्रयत्न करून कायदा व सुव्यवस्था बिघडवल्याचा आरोप आहे. त्याप्रकरणी सत्र न्यायालयाने आदेश दिले आहेत.

शुक्रवारी अमरावतीमध्ये मतदान होते. त्यामुळे न्यायालयाने त्यांना हजेरीपासून एक दिवस सूट दिली, मात्र पुढील तारखांना हजर राहण्याचे बजावले.

काय आहे प्रकरण ?

एप्रिल 2022 मध्ये शिवसेना पक्षप्रमुख उद्धव ठाकरे यांच्या ‘मातोश्री’ बंगल्याबाहेर राणा दाम्पत्याने हनुमान चालिसा पठणचा दिखावा केला होता. या प्रकरणात कायदा-सुव्यवस्था बिघडवल्याच्या आरोपाखाली दोघांविरुद्ध सत्र न्यायालयात खटला सुरू आहे. दोघांनी दोषमुक्ततेसाठी केलेला अर्ज न्यायालयाने डिसेंबरमध्ये फेटाळला होता.