ताज्या बातम्या राजकारण राष्ट्रीय लोकसभा २०२४

ब्रेकिंग : नरेंद्र मोदी आज तिसऱ्यांदा पंतप्रधान पदाची शपथ घेणार

9 June 2024

Narendra modi : 2024 च्या लोकसभा निवडणुकीत बहुमत मिळाल्यानंतर एनडीए आघाडी आज सरकार स्थापन करणार आहे. नरेंद्र मोदी यांची एनडीएच्या आघाडीचे नेते म्हणून निवड करण्यात आली असून ते आज संध्याकाळी 7:15 वाजता पंतप्रधानपदाची शपथ घेणार आहे. नरेंद्र मोदी त्यांच्यासोबत अन्य 40 खासदारही मंत्रीपदाची शपथ घेऊ शकतात. मात्र, त्याची अधिकृत माहिती देण्यात आलेली नाही.

मिळालेल्या माहितीनुसार, TDP आणि JDU मधून प्रत्येकी 2 आणि शिवसेनेचा एक कॅबिनेट मंत्री होऊ शकतो. तसेच, अमित शहा गृहमंत्री, राजनाथ सिंह संरक्षण मंत्री आणि एस जयशंकर परराष्ट्र मंत्री, अश्विनी वैष्णव रेल्वे मंत्री आणि नितीन गडकरी परिवहन मंत्री राहतील. जलशक्ती मंत्री आणि लोकसभा अध्यक्षही भाजपचेच राहू शकतात. टीडीपीला शहरी विकास आणि नागरी विमान वाहतूक मंत्रालय मिळू शकते. जेडीयूला ऊर्जा खाते, ग्रामीण विकास मंत्रालय मिळू शकते.

Narendra modi यांना राष्ट्रपती देणार शपथ

राष्ट्रपती द्रौपदी मुर्मू सर्वांना पद आणि गोपनीयतेची शपथ देतील. राष्ट्रपती भवनात होणाऱ्या शपथविधीची तयारी पूर्ण झाली आहे. शपथविधी सोहळ्यासाठी राष्ट्रपती भवन सजवण्यात आले आहे. नरेंद्र मोदींच्या शपथविधी सोहळ्याला देशासहच अनेक परदेशी पाहुणे आलेले आहेत.