ब्रेकिंग : निलेश लंके यांचे स्विय सहाय्यक (PA) यांच्यावर प्राण घातक हल्ला, १२ जणांविरोधात गुन्हा दाखल

7 June 2024

0

Rahul Zaware : अहमदनगर लोकसभा निवडणुकीनंतर राष्ट्रवादी काँग्रेसचे उमेदवार निलेश लंके यांचे स्विय सहाय्यक (PA) राहुल झावरे यांच्यावर प्राण घातक हल्ला करण्यात आला आहे. या हल्ल्यात राहुल झावरे गंभीर जखमी झाले आहेत. लोकसभा निवडणुकीनंतर पारनेर येथे निलेश लंके (Nilesh Lanke) आणि सुजय विखे (Sujay Vikhe) यांच्या समर्थकांमध्ये राडा झाला त्यावेळीच झावरे यांच्यावर प्राण घातक हल्ला झाला.

निलेश लंके यांचे स्विय सहाय्यक (PA) राहुल झावरे (Rahul Zaware) यांच्यावर झालेल्या प्राण घातक हल्ल्यात राहुल झावरे गंभीर जखमी झाले आहेत. या हल्ल्यानंतर त्यांना त्वरित उपचारासाठी रुग्णालयात दाखल करण्यात आले आहे. या घटनेमुळे परिसरात तणावपूर्ण वातावरण पसरले आहे. भाजपचे उमेदवार डॉ. सुजय विखे यांच्या समर्थकांकडून प्राणघातक हल्ला झाल्याची घटना घडली आहे. राहुल झावरे यांच्या गाडीची तोडफोड केली. यानंतर त्यांना बेदम मारहाणही करण्यात आली.

दरम्यान, मंगळवारी जाहीर झालेल्या निकालामध्ये लोकसभा निवडणुकीत निलेश लंके यांचा विजय झाला. हा निकाल जाहीर झाल्यानंतर दुसऱ्या दिवशी खासदार सुजय विखे आणि नवे खासदार निलेश लंके यांचे समर्थक आमने-सामने भिडले. या हल्ल्यामुळे अहमदनगरमधील राजकीय वातावरण अधिक तापले आहे. सध्या पोलिस या घटनेचा तपास करत असून घटनास्थळी पोलिसांचा कडक बंदोबस्त तैनात करण्यात आला आहे.

Rahul Zaware

आता पर्यंत पोलिसांनी १२ जणांविरोधात गुन्हा दाखल केला आहे. तसेच या घटनेनंतर संबंधित आरोपींवर कठोर कारवाई करण्यात यावी अशी मागणी निलेश लंके यांच्या समर्थकांकडून करण्यात येत आहे. तसेच, या प्रकारानंतर राजकीय वर्तुळातील वातावरण ही पेटण्याची शक्यता निर्माण झाली आहे.