नवी दिल्ली : दिल्लीचे मुख्यमंत्री अरविंद केजरीवाल यांनी माहिती अधिकार कायद्यांतर्गत पंतप्रधान नरेंद्र मोदी यांच्या डिग्री सर्टिफिकेट दाखवण्याची मागणी केली होती. यावर विद्यापीठ न्यायालयात गेले असता गुजरात न्यायालयाने पंतप्रधान मोदींची डिग्री दाखवण्याची गरज नसल्याचा निर्णय दिला. या सोबतच मुख्यमंत्री अरविंद केजरीवाल यांना 25 हजार रुपयांचा दंड ठोठावण्यात आला. त्यामुळे पंतप्रधान नरेंद्र मोदी यांच्या डिग्रीवरून सध्या वाद सुरू झाला आहे.
पंतप्रधान नरेंद्र मोदी यांच्या डिग्रीवरून वाद सुरू असताना, अभिनेते अनुपम खेर यांनी एक व्हीडिओ शेअर करत या वादात उडी घेतली आहे. अनुपम खेर यांनी त्यांच्या अधिकृत ट्विटर हँडलवर त्यांच्या आई दुलारी यांचा एक व्हिडिओ शेअर केला आहे. ज्यामध्ये नरेंद्र मोदींच्या शिक्षणावर प्रश्न विचारले असता त्या एकदम भडकल्या आहेत.
अनुपम खेर यांच्या आई दुलारी या व्हीडिओ मध्ये म्हणत आहेत कि, कोण आहे ते जे मोदीजींना त्यांची डिग्री विचारत आहेत. त्यांच्या सारखे 10 शिकलेल्यांना मोदी स्वतः शिकवू शकतात. जे आज कोट्यवधी जनतेला घर देत आहे, त्यांच्यासाठी काम करत आहेत त्यांना तुम्ही शिक्षण विचारता. ते तुमच्यासारख्या कितीतरी जणांना शिकवतील, असे त्या म्हणाल्या. हा व्हिडिओ सध्या व्हायरल होत आहे.