Rohit Pawar : स्वयंघोषित गांधी अण्णा हजारे 2014 नंतर गायबच झाले – रोहित पवार यांची टीका

23 May 2024

Rohit Pawar : ज्येष्ठ समाजसेवक अण्णा हजारे यांच्यावर राष्ट्रवादी काँग्रेस शरद पवार पक्षाचे नेते रोहित पवार यांनी स्वयंघोषित गांधी म्हणत टीका केली आहे. “स्वयंघोषित गांधी अण्णा हजारे २०१४ नंतर अचानक गायबच झाले,” अशी केली आहे.

२०१४ मध्ये अण्णा हजारे (Anna Hazare) यांनी आपल्या आंदोलनांमुळे देशभरात एक वेगळे स्थान निर्माण केले होते. त्यांनी भ्रष्टाचाराविरोधात आणि जनलोकपाल विधेयकासाठी मोठी लढाई लढली होती. मात्र, २०१४ नंतर त्यांची सक्रियता कमी झाली. तसेच भाजपच्या धोरणांवर तसेच देशभरातील विविध घडामोडींंवर देखील त्यांनी मौन धरले आहे. त्यांच्या या भुमिकेवर वारंवार टीका करण्यात येत असते. अशात आता रोहित पवार यांनी देखील अण्णा हजारे (Anna Hazare) यांच्यावर निशाणा साधला आहे.

रोहित पवार यांनी म्हणाले आहे की, 2014 पूर्वी प्रत्येक विषयांवर आंदोलन करणारे, प्रतिक्रिया देणारे तथाकथित स्वयंघोषित गांधी 2014 नंतर मात्र देशात एवढ्या मोठ्या प्रमाणात घडामोडी घडत असताना आणि लोकशाही शेवटच्या घटका मोजत असतानाही शांतच राहिले नाही तर गायबही झालेत.

Rohit Pawar

तसंच पुढे ते म्हणाले की, “खरे गांधीवादी असते तर संविधानाशी छेडछाडपासून मणिपूर अत्याचार, कुस्तीपटू आंदोलन अशा प्रत्येक प्रकरणावर गप्प न बसता बोलले असते, लढले असते. असो! ज्येष्ठ म्हणून आदर आहेच पण गांधीवादाचा मुखवटा घालून सोयीची आंदोलने करून जनतेच्या भावनांशी खेळणं योग्य नाही”, अशी टीका देखील रोहित पवारांनी (Rohit Pawar) यावेळी केली.