PUNE : वसंत ग्रूप आणि संकल्प तरु फौंडेशनच्या वतीने एक लाख झाडे लावणार

4 June 2024

पुणे / क्रांतीकुमार कडुलकर : चिंचवड येथील वसंत ग्रुप आणि संकल्प तरु फौंडेशन यांच्या संयुक्त विद्यमाने राज्यभर एक लाख झाडे लावण्याचा संकल्प करण्यात आला आहे. अशी माहिती वसंत ग्रुपचे संचालक अनिल मित्तल यांनी दिली. Tree plantation Pune

पर्यावरण दिनानिमित्त (World Environment Day) दि. ५ रोजी शिवाजीनगर, पुणे येथील कृषी महाविद्यालयाच्या आवारामध्ये सुमारे 1000 झाडे लावणारा असून या एक लाख वृक्षारोपणाचा शुभारंभ करण्यात येणार आहे. वसंत ग्रुप गेली 21 वर्षापासून सामाजिक क्षेत्रामध्ये कार्यरत आहे. pune news

वसंत ग्रुपच्या वतीने अनेक सामाजिक उपक्रम राबवत आले आहे. गरीब विद्यार्थ्यांना शिष्यवृत्ती देणे, शैक्षणिक साहित्य पुरवणे, अनाथ विद्यार्थ्यांना कपडे व चादरी वाटप करणे,खाद्यपदार्थ वाटप करणे, नेत्र तपासणी व रक्तदान शिबिर घेणे, नेत्रहीन नागरिकांसाठी नेत्र तपासणी शिबिरे घेणे अशी अनेक सामाजिक कार्य केले.

तसेच कोरोना काळात 300 रेमिडीसीवर इंजेक्शन मोफत वाटले गरजूंना जेवण आणि कृत्रिम व्हेंटिलेटरची सेवा मोफत उपलब्ध करून दिली. अशा प्रकारे सामाजिक क्षेत्रात भरीव कामगिरी करत आहे. Pune

पिंपरी- चिंचवड पुणे परिसरातील मोकळ्या जमिनीमध्ये हरितक्रांती घडावी, या हेतूने वर्षभरात सुमारे एक लाख झाडे लावण्याचा संकल्प वसंत समूहाने केला आहे. (World Environment Day)