भात पिकावरील किड – रोग नियंत्रणासाठी खालील औषधांची फवारणी करावी.
१. करपा –
● कार्बेन्डझिम ५० टक्के – १० ग्राम.
● हेक्झकोनझोल ५ इसी – २० मिली.
● ट्ब्युकोण्याझोल २५.९ इसी. – १५ मिली.
● ट्रायसायकलेझोल ७५ डब्लूपी – ६ ग्राम.
१० लिटर पाण्यात मिसळून फवारणी करावी.
२. कडा करपा – या रोगाच्या नियंत्रणासाठी खालील औषधांची फवारणी करावी.
● कॉपर ओक्सी क्लोराईड ५० टक्के – २५ ग्राम.
● कॉपरहाइड्रो साईड ५३.८ टक्के ३० ग्राम.
● त्रेपटो सायकलीन – अर्धा ग्राम.
१० लिटर पाण्यात मिसळून फवारावी
३. पानावरील तपकीरी ठिपके –
● कॉपर हायड्रोसाईड ५३.८ टक्के – ३० ग्राम.
● कॉपर ऑक्सीक्लोराईड ५० टक्के – २५ ग्राम.
१० लिटर पाण्यात मिसळून फवारणी करावी.
४. आभासमय काजळी उर्फ कान्ही – (पीक ५० टक्के फुलोऱ्यात असताना)
● कॉपर हायड्रॉसायड ७७ टक्के – २५ ग्राम.
● कॉपरऑक्सीक्लोराईड ५० टक्के – २५ ग्राम.
१० लिटर पाण्यात मिसळून फवारणी करावी.
५. पर्णकोष करपा –
● टेब्युकॉनाझोल २५.९ इसी. – १५ मिली.
● प्रापिकाँझोल २५ इसी. – १० मिली
१० लिटर पाण्यात मिसळून फवारणी करावी.
६. भात पिकावरील गादमशी / खोडकिडा – याच्या नियंत्रणासाठी एकरी
● फोरेट १० जी. – ८-१० किलो.
● करबोफुरोन ३ जी. – ७-८ किलो
● कारटाफ हायड्रो क्लोराईड ४ जी.
– ८-१० किलो रेतीत मिसळवून द्यावे.
■ रासायनिक पध्दती – खोडकिड्यासाठी फवारणी करायची असल्यास –
● क्वीनोलफॉस २५ टक्के – ३२ मिली.
● क्लोरोपायरीफोस २० टक्के – ४० मिली.
पाण्यात मिसळवून फवारणी करावी.
■ जैविक पध्दती – खोडकिडा नियंत्रणासाठी –
● फेरोमेन ट्रॅप एकरी ८-१० लावावे. तसेच ‘ट्रायकॉग्रामा‘ या परोपजीवी किटकाचे (ट्रायकोकार्ड) २०००० – २५०००० अंडी ७ दिवसाच्या अंतराने ३ – ४ वेळा शेतात लावावे. कार्ड लावल्यानंतर ७ – १० दिवस रासायनिक कीडनाशकांची फवारणी करू नये. यामुळे खोड किडीचे नियंत्रण होवून अप्रत्यक्षपणे इतरही किडीचे नियंत्रण होते. कारण मित्रकिडीच्या संख्येत वाढ होते.
७. लष्करी अळी –
● सायपरमेत्रिन १० टक्के – ६ मिली.
● डायक्लोरोवोस ७६ इसी. – १४ मिली.
१० लिटर पाण्यात मिसळून फवारणी करावी.
८. पाने गुंडाळणारी अळी –
● मेल्याथियोन ५० टक्के – ३० मिली.
● ट्रायझोफोस ३५ टक्के अधिक
● डेल्टामेथरिन १ टक्के – १५ -२० मिली.
१० लिटर पाण्यात मिसळून फवारणी करावी.
९. तुडतुडे –
● पाण्याची सोय असल्यास ५-७ दिवसांनी पाणी बाहेर सोडावे.
● इमिडाक्लोरोपिड १७.८ एसएल. – २_३ मिली.
● एसीफेट – १४-१७ मिली.
● मेल्याथिओन ५० टक्के – २० मिली.
१० लिटर पाण्यात मिसळून फवारणी करावी.
औषधाची फवारणी करताय ? मग हे करा.
● दोन किंवा अधिक किडनाशके एकात मिसळून फवारणी करु नये.
● किडनाशकाचा सांगितलेल्या प्रमाणातच वापर करा.
● किडीने आर्थिक नुकसानीची पातळी ओलांडल्याचा अंदाज घेऊन प्रथम वनस्पतीजन्य किंवा निमआधारित कीडनाशकांची फवारणी करावी.
● कीडनाशकासोबत रासायनिक खते, सूक्ष्म अन्नद्रव्ये, संजीवके, अथवा जैविक खते मिसळून करून फवारणी नये.
● फवारणी करिता स्वच्छ पाण्याचा वापर करा.
● किडीचे परिणामकारक नियंत्रण करण्यासाठी पहिल्या फवारणी नंतर ७ – ८ दिवसांनी दुसरी फवारणी करावी.
● वारंवार तेच किडनाशक फवारणी करु नये.
● किडी अमावश्याच्या रात्री अंडी घालत असल्यामुळे ३ – ४ दिवस अगोदर फवारणी केल्यास अधिक परिणामकारक ठरते.
● तणनाशक फवारणी केलेला पंप स्वच्छ धुवून घेतल्याशिवाय कीडनाशक फवारणी करू नये.
औषध फवारणी करताना स्वत : ही काळजी घ्या !
● तोंडाला मास्क वापरा किंवा रुमालाने तोंड बांधून घ्या.
● हातामध्ये हातमौजे घाला किंवा, हात पुर्ण झाकले जातील असे कापडे घाला.
● डोळ्यांवर गँगल घाला.
● फवारणी केल्यानंतर हात साबणाने स्वच्छ करा.