कान्हेवाडी ( ता . खेड ) : औंध येथील पर्यावरण शिक्षण केंद्राच्यावतीने राजगुरुनगर व कान्हेवाडी येथील घरकामगार व आदिवासी ठाकर समाजातील शंभर कुटुंबांना घरपोच किराणा व जीवनावश्यक साहित्याचे वाटप करण्यात आले .
किट वाटपाचे स्थानिक संयोजन आदिम संस्थेने केले होते . यावेळी पुणे येथील सामाजिक कार्यकर्त्या किरण मोघे , पर्यावरण शिक्षण केंद्राच्या संस्कृती मेमन , आदिम संस्थेचे डॉ . हनुमंत भवारी , सामाजिक कार्यकर्ते महेंद्र थोरात , अमोद गरुड , झरिना शेख , मुमताज शेख , माजी सरपंच साळूबाई केवाळे , शिवाजी पारधी , मनिषा थोरात , ज्ञानेश्वर कोबल यांनी समन्वयाचे काम करून गरजूंना घरपोच किराणा दिला.