ताज्या बातम्या राजकारण राष्ट्रीय लोकसभा २०२४

Manoj tiwari यांच्याकडून कन्हैया कुमार यांचा पराभव

4 June 2024

Manoj tiwari : दिल्लीत लोकसभेच्या 7 जागांचे निकाल समोर आले आहेत. दिल्लीतील सर्वाधिक चर्चेत असलेल्या ईशान्येकडील जागेवरही सर्वांचे लक्ष लागले होते. ईशान्य दिल्लीतील जागेवर भाजपचे उमेदवार मनोज तिवारी (Manoj tiwari) आणि काँग्रेस नेते कन्हैया कुमार (Kanhaiya kumar) यांच्यात लढत होती. मात्र यात कन्हैया कुमार यांचा पराभव झाला.

दिल्लीतील सातही जागांवर भाजपने विजय मिळवला. यात ईशान्य दिल्लीतील काँग्रेस उमेदवार कन्हैया कुमार यांनाही आपला पराभव स्वीकारावा लागला आहे. भाजपचे उमेदवार मनोज तिवारी यांना 8 लाख 24 हजार 451 मते मिळाली असून 1 लाख 38 हजार 778 मतांनी त्यांनी विजय मिळवला. तर कन्हैया कुमार यांना एकुण 6 लाख 85 हजार 673 मते मिळाली.

दरम्यान, निवडणूक निकाल पाहता ईशान्य दिल्लीतील काँग्रेस उमेदवार कन्हैया कुमारने आपला पराभव स्वीकारला आहे. कन्हैया कुमार यांनी सोशल मीडिया एक्सवर लिहले आहे की, मी ईशान्य दिल्लीतील लोकांचे, काँग्रेस पक्षाचे आणि आमच्या निवडणुकीत योगदान देणाऱ्या इंडिया ग्रुपचे सर्व कार्यकर्ते, मित्र आणि सहयोगी यांचे मनापासून आभार मानतो. या कडाक्याच्या उन्हात निवडणुका घेणे ही अवघड जबाबदारी होती. ही जबाबदारी यशस्वीपणे पार पाडल्याबद्दल निवडणूक आयोग, पोलीस, सुरक्षा कर्मचारी आणि शहर प्रशासनही अभिनंदनास पात्र आहे.

शेवटी, तिसऱ्यांदा खासदार म्हणून निवडून आल्याबद्दल माझे विरोधी पक्षाचे उमेदवार मनोज तिवारी यांचे खूप खूप अभिनंदन आणि शुभेच्छा. लोकांच्या आशा-आकांक्षांवर ते उभे राहतील, अशी मला आशा आहे. इंडिया आघाडीला ईशान्य दिल्लीतील लोकांनी विरोधी पक्षाची भूमिका बजावण्याचे आदेश दिले आहेत. त्याचा हुकूम साहेब – डोळ्यांवर! या भागातील जनतेसाठी आम्ही सक्रिय आणि सकारात्मक विरोधी पक्षाची भूमिका बजावू आणि त्यांच्या मागण्या आणि प्रश्नांसाठी आवाज उठवत राहू.