हिमाचल प्रदेश : हिमाचल प्रदेशातील कुल्लू (Kullu Bus Accident) येथे भीषण बस अपघात झाला आहे. शैनशारहून सैंजच्या दिशेनं येणारी खासगी बस जंगला गावाजवळ रस्त्यावरून दरीत कोसळली. त्यामुळे हा भीषण अपघात घडला. यापैकी १६ जणांचा मृत्यू झाला आहे.
मिळालेल्या माहितीनुसार, सकाळी साडेआठच्या सुमारास हिमाचल प्रदेश येथील साईंज खोऱ्यातील शेनसार येथून साईंजच्या दिशेने येत होती. या बसमध्ये एकूण ४५ लोक प्रवास करत होते. त्यामध्ये काही शाळकरी मुलही होती. यावेळी जंगला नावाच्या ठिकाणी चालकाचा बसवरील नियंत्रण सुटले, यात ती बस दरीत कोसळली. यामध्ये १६ जणांचा मृत्यू झाला आहे.
दरम्यान, या अपघाताची माहिती मिळताच पोलीस आणि अधिकारी घटनास्थळी पोहोचले. काही स्थानिकांच्या मदतीनं बचावकार्य तात्काळ सुरु करण्यात आलं. दरीत बस उलटी पडल्याने प्रवाशांना बाहेर काढणे कठीण झाले होते. जखमींना रुग्णालयात दाखल करण्यात आले आहे.
या भीषण बस अपघातानंतर साईंज खोऱ्यातील नेवली, माताळा, साईंज, नालागड, शालबाड आणि बिहाली बाजारपेठांमध्ये शोककळा पसरली त्यामुळे परिसरातील बाजारपेठा बंद ठेवण्यात आल्या.