फॉर्म भरुनही पैसे आले नाही ; महत्वाची माहिती समोर

8 November 2024

Ladki Bahin Yojana : राज्याच्या अर्थसंकल्पात जाहीर झालेल्या ‘मुख्यमंत्री लाडकी बहीण योजना’ अंतर्गत पात्र महिलांना दरमहा 1500 रुपयांची मदत देण्याची योजना आहे. ही योजना 1 जुलै 2024 पासून लागू झाली असून, 21 ते 65 वयोगटातील महिलांना आर्थिक पाठबळ देण्यासाठी राज्य सरकारने पाऊल उचलले आहे. अनेक महिलांच्या खात्यात या योजनेचे पैसे जमा झाले असले तरी काही महिलांच्या खात्यात अद्याप पैसे आलेले नाहीत.

मुख्यमंत्री एकनाथ शिंदे यांनी सोलापूर येथील प्रचार सभेत याबाबत अपडेट दिली. “ज्या महिलांच्या खात्यात लाडकी बहीण योजनेचे पैसे अद्याप आलेले नाहीत, त्यांना लवकरच हा लाभ मिळेल. नोव्हेंबरमध्ये आचारसंहिता संपल्यानंतर डिसेंबरचे पैसे खात्यात जमा केले जातील, असं वक्तव्य मुख्यमंत्री एकनाथ शिंदे यांनी केलं.

यासह मुख्यमंत्री शिंदे यांनी योजनेच्या महत्त्वावरही भाष्य केले. त्यांनी सांगितले की, “लाडकी बहीण योजनेमुळे महिलांना आर्थिक स्वातंत्र्य मिळत आहे. पूर्वी घरात काही खरेदी करायची असेल तर हात पुढे करावा लागायचा, मात्र आता त्या स्वावलंबी होत आहेत.”

या घोषणेमुळे महिलांना दिलासा मिळण्याची शक्यता आहे.