जाधववाडी,चिखली येथे गणेश जयंती उत्सव संपन्न
पिंपरी चिंचवड/क्रांतिकुमार कडुलकर:चिखली जाधववाडी,येथील सामाजिक कार्यकर्त्या व संघर्ष मित्र मंडळ ट्रस्टच्या संस्थापक अध्यक्षा सीता ताई केंद्रे यांनी येथील गणेश मंदिरात सार्वजनिक गणेश जयंती उत्सव आयोजित केला होता,होम,हवन व सामूहिक प्रार्थना,आरतीला त्यांनी स्थापन केलेल्या विविध बचत गटातील महिला यावेळी उपस्थित होत्या.संघर्ष मित्र मंडळ पदाधिकारी व संयोजकांनी सीता ताई केंद्रे यांच्या मार्गदर्शनाखाली गोड प्रसादयुक्त अन्नदान केले.
या शुभप्रसंगी त्यांनी सांगितले की,गणेशाला बुद्धी, समृद्धी आणि सौभाग्य देवता मानले जाते.गणेश जयंतीच्या दिवशी श्रीगणेशाची आराधना करून,भक्त त्यांच्या जीवनात यश,उत्तम आरोग्य आणि आनंदासाठी त्यांचे आशीर्वाद घेतात.आपल्या जीवनात सकारात्मक बदल घडवायचे असतील तर आपली बुद्धी आपले विचार सकारात्मक असले पाहिजेत.विद्यार्थ्यांनी सकाळी किंवा सायंकाळी धूप दीप लावून अभ्यास केला पाहिजे.तसेच उत्सव साजरा करीत असतांना प्रदूषण होणार नाही याची काळजी प्रत्येकाने घ्यावयास हवी आहे.आपण उत्सव साजरे करताना परिसर स्वछता,पर्यावरण जोपासले पाहिजे.असे सीता ताई केंद्रे यांनी सांगितले.
या जयंती उत्सवात मान्यवर सामाजिक कार्यकर्ते युवा नेते विशाल आहेर,रूपाताई आल्हाट,प्रकाश हगवणे,वर्षा गेगाणे शिक्षिका आदी मान्यवरांचा सत्कार सीता ताई केंद्रे यांनी केला.