Sheikh Hasina : बांगलादेशमध्ये आरक्षणविरोधी संघर्षांच्या तीव्रतेने पंतप्रधान शेख हसीना (Sheikh Hasina) यांनी अखेर आपल्या पदाचा राजीनामा दिला आहे. देशभरातील हिंसाचारात मृतांची संख्या 300 वर गेली असून, रविवारी पोलीस आणि निदर्शक यांच्यात झालेल्या चकमकीत 94 लोकांचा बळी गेला. एएफपीच्या ताज्या आकडेवारीनुसार, रविवारी झालेला हा संघर्ष सरकारविरोधी निदर्शनांच्या आठवड्यातील सर्वात घातक ठरला आहे.
सोमवारी पुन्हा एकदा मोठ्या प्रमाणात निदर्शने होणार असल्याने राजधानी ढाका येथे पंतप्रधान शेख हसीना (Sheikh Hasina) यांच्या कार्यालयाकडे जाणाऱ्या प्रमुख मार्गांवर लष्कर आणि पोलिसांची तैनाती करण्यात आली आहे. नवीन संघर्षाच्या लाटेत बांगलादेशातील आंदोलनकर्ते आणि सत्तारूढ अवामी लीग समर्थकांमध्ये झालेल्या संघर्षांमुळे परिस्थिती आणखी गंभीर झाली.
Bangladesh Prime Minister Sheikh Hasina resigns
या भीषण हिंसाचारामुळे पंतप्रधान शेख हसीना यांनी सोमवारी आपल्या पदाचा राजीनामा दिला. तसेच त्यांनी देश सोडला असल्याचे देखील वृत्त स्थानिक माध्यमांनी दिले आहे. आंदोलनकर्त्यांनी पंतप्रधानांचे निवासस्थान ताब्यात घेतले असल्याची माहिती मिळाली आहे. आंदोलनकर्ते नोकरी कोटा प्रणालीच्या विरोधात शेख हसीना यांच्या राजीनाम्याची मागणी करत आंदोलन करत होते, त्यावेळी अवामी लीगचे समर्थक, छात्र लीग आणि जुबो लीग कार्यकर्त्यांनी त्यांना विरोध केला.
प्रोथोम आलो वृत्तपत्राच्या अहवालानुसार, रविवारी झालेल्या हिंसाचारात किमान 101 लोकांचा मृत्यू झाला, ज्यात 14 पोलिसांचा समावेश आहे. ढाका मेडिकल कॉलेज परिसर आणि जत्राबारी येथे झालेल्या संघर्षात आणखी सहा लोकांचा मृत्यू झाल्याचे डेली स्टार वृत्तपत्राने नोंदवले आहे.
या हिंसाचारामुळे अधिकाऱ्यांनी देशभरातील मोबाइल इंटरनेट सेवा बंद केली असून, अनिश्चित कालावधीसाठी देशव्यापी संचारबंदी लागू करण्यात आली आहे. दक्षिण आशियातील या देशाच्या पाच दशकांहून अधिक काळातील सर्वात भीषण हिंसाचारामुळे शेख हसीना यांना पद सोडावे लागल्याचे स्पष्ट होत आहे.
हेही वाचा :
मोठी भरती : भारतीय टपाल विभागात 44228 पदांची भरती; पात्रता 10वी पास
नॅशनल ग्रीन ट्रिब्यूनलचे पश्चिम घाटाच्या इको-संवेदनशील क्षेत्राबाबत मंत्रालयाला निर्देश
सरन्यायाधीशांची नातवंडे सर्वोच्च न्यायालयात विराजमान झाल्यावर आम्हाला न्याय मिळेल; सामनातून टीका
मोठी बातमी : पुण्यात मुसळधार पाऊस सुरू, प्रशासनाच्या मदतीसाठी भारतीय लष्कर दाखल
ब्रेकिंग : खेळाडूंसाठी BCCI ने केली मोठी घोषणा
निशांत देवची निराशा, ऑलिम्पिकमध्ये पदकाची संधी हुकली
राज्यात मुसळधार पाऊसाचा इशारा, तर काही जिल्ह्यांना रेड अलर्ट
कोलकाता विमानतळ बनले तलाव; बंगाल मध्ये तुफान पाऊस, व्हिडिओ व्हायरल