विधानसभा निवडणुकीच्या तोंडावर राज ठाकरेंना मोठा धक्का

15 November 2024

0

Raj Thackeray : येत्या 20 नोव्हेंबर रोजी होणाऱ्या विधानसभा निवडणुकीच्या पार्श्वभूमीवर महाराष्ट्र नवनिर्माण सेनेचे (मनसे) प्रमुख राज ठाकरे यांना मोठा धक्का बसला आहे. नाशिकमधील मनसेचे वरिष्ठ नेते आणि माजी महापौर अशोक मुर्तडक यांनी पक्षाला रामराम ठोकत ठाकरे गटात प्रवेश करण्याचा निर्णय घेतला आहे.

---Advertisement---

उद्धव ठाकरे यांच्या आज (15 नोव्हेंबर) नाशिकमधील जाहीर सभेत अशोक मुर्तडक अधिकृतपणे ठाकरे गटात सहभागी होणार आहेत. मुर्तडक यांच्या पक्षप्रवेशामुळे नाशिक पूर्व विधानसभा मतदारसंघात महाविकास आघाडीची ताकद वाढणार आहे.

अशोक मुर्तडक विधानसभा निवडणुकीत नाशिकमधून उमेदवारी मिळवण्यासाठी इच्छुक होते. मात्र, मनसेने प्रसाद सानप यांना उमेदवारी दिल्यामुळे मुर्तडक नाराज झाले होते. अशोक मुर्तडक यांनी पक्ष सोडण्याचा निर्णय घेतला आणि ठाकरे गटात सामील होण्याचा मार्ग स्वीकारला.

---Advertisement---

मनसेसाठी हे फक्त एकच धक्का नाही. यापूर्वीही अनेक महत्त्वाच्या नेत्यांनी पक्ष सोडून ठाकरे गटात प्रवेश केला आहे. नुकतेच अखिल चित्रे यांनी मनसेला सोडचिठ्ठी देत ठाकरे गटात प्रवेश केला होता. त्याचप्रमाणे कीर्तिकुमार शिंदे, निलेश जंगम आणि पुण्यातील माजी नगरसेवक वसंत मोरे यांनीही मनसेचा त्याग करून ठाकरे गटात प्रवेश केला आहे.

विधानसभा निवडणुकीपूर्वी झालेल्या या राजकीय हालचालींमुळे नाशिकसह राज्यातील राजकारण तापले आहे. आगामी निवडणुकीत याचा नेमका काय परिणाम होईल, हे पाहणे महत्त्वाचे ठरणार आहे.