मोठी बातमी : अजित पवार गटाची दुसरी यादी जाहीर, झिशान सिद्दीकींनाही मिळालं तिकीट

25 October 2024

Ajit Pawar : महाराष्ट्र विधानसभा निवडणुकांसाठी महायुतीतील घटक पक्ष असलेल्या अजित पवार गटाने दुसरी उमेदवार यादी जाहीर केली आहे. या यादीत 7 उमेदवारांची घोषणा करण्यात आली आहे. यापूर्वी पवार गटाने 38 उमेदवार घोषित केले होते. या नवीन घोषणेमुळे आता अजित पवार गटाचे एकूण 45 उमेदवार निवडणूक लढवण्यासाठी सज्ज झाले आहेत.

अजित पवार गटाच्या दुसऱ्या यादीतील उमेदवारांचे नावे :

1. इस्लामपूर – डॉ. निशिकांत पाटील

2. तासगाव-कवठे महांकाळ – संजयकाका पाटील

3. अणुशक्तीनगर – सना मलिक

4. वांद्रे पूर्व – झिशान सिद्दीकी

5. वडगाव शेरी – सुनील टिंगरे

6. शिरूर – ज्ञानेश्वर कटके

7. लोहा – प्रताप चिखलीकर

विशेष म्हणजे, भाजपचे नेते आणि सांगलीचे माजी खासदार संजयकाका पाटील यांनी नुकताच अजित पवार गटात प्रवेश केला होता. त्यांना तासगाव-कवठे महांकाळ मतदारसंघातून तिकीट देण्यात आले आहे. याच मतदारसंघात शरद पवार गटाकडून दिवंगत नेते आर.आर. पाटील यांचे पुत्र रोहित पाटील यांना उमेदवारी मिळाली आहे. त्यामुळे तासगाव-कवठे महांकाळमध्ये संजयकाका पाटील आणि रोहित पाटील यांच्यात चुरशीची लढत होणार आहे.

वांद्रे पूर्वमधून झिशान सिद्दीकी यांना तिकीट मिळाल्याने हा मतदारसंघ देखील लक्षवेधी ठरणार आहे. अजित पवार गटाच्या या दुसऱ्या यादीने निवडणूक रंगतदार होण्याची शक्यता आहे.