Human Metapneumovirus : नागपुरात ह्युमन मेटापन्यूमोव्हायरस (Human Metapneumovirus) म्हणजेच एचएमपीव्ही (HMPV) संसर्गाची दोन प्रकरणे समोर आली आहेत, ज्यामुळे आरोग्य यंत्रणा सतर्क झाली आहे. या संसर्गाने एक 13 वर्षांची मुलगी आणि 7 वर्षांचा मुलगा प्रभावित झाले असून त्यांची चाचणी पॉझिटिव्ह आली आहे.
संसर्गित मुलांमध्ये खोकला, ताप, आणि श्वसनाचा त्रास यांसारखी सर्दीसारखी लक्षणे आढळली आहेत. सतत श्वसनाच्या त्रासामुळे त्यांना नागपुरातील एका खासगी रुग्णालयात दाखल करण्यात आले. डॉक्टरांच्या सल्ल्यानुसार 3 जानेवारी 2025 रोजी घेतलेल्या चाचण्यांमध्ये HMPV संसर्गाची पुष्टी झाली आहे. सुदैवाने, दोन्ही मुलांची प्रकृती स्थिर असून त्यांच्यावर घरीच उपचार सुरू आहेत. या प्रकरणांमुळे नागपुरात चिंतेचे वातावरण पसरले आहे.
देशभरात आतापर्यंत HMPV चे सात प्रकरणे नोंदवली गेली आहेत. यामध्ये बेंगळुरू आणि तामिळनाडूमध्ये प्रत्येकी दोन, नागपुरात दोन आणि अहमदाबादमध्ये एक प्रकरण समाविष्ट आहे.
चीनसह अनेक देशांमध्ये श्वसनाच्या आजारांमध्ये वाढ होत असताना, भारतात HMPV प्रकरणे समोर येणे आरोग्य क्षेत्रासाठी गंभीर इशारा मानले जात आहे. हा विषाणू प्रामुख्याने मुलांना आणि वयोवृद्धांना प्रभावित करतो, तसेच संसर्ग झाल्यास श्वसनाचा गंभीर त्रास होऊ शकतो.
आरोग्य तज्ज्ञांनी नागरिकांना खबरदारी घेण्याचे आवाहन केले आहे. सर्दी किंवा श्वसनाच्या त्रासाची लक्षणे दिसल्यास त्वरित डॉक्टरांचा सल्ला घ्यावा, असे सांगण्यात आले आहे. सार्वजनिक ठिकाणी मास्क वापरणे, नियमित हात धुणे, आणि गर्दीत जाण्याचे टाळणे यावर भर देण्यात आला आहे.
हे ही वाचा :
मोठी बातमी : लाडक्या बहिणींना मिळणार 2100 रुपये ; सरकारकडून मोठी घोषणा
ओयो हॉटेल्सकडून नवी चेक-इन धोरण ; अविवाहित जोडपी अडचणीत ?
जगातील सर्वाधिक पगार घेतो ‘हा’ भारतीय वंशाचा माणूस, पगार ऐकून थक्क व्हाल
अणूशास्त्रज्ञ पद्मविभूषण डॉ. राजगोपाल चिदंबरम यांचे निधन
अखिल भारतीय मराठी साहित्य संमेलनाच्या प्रवेशद्वाराला स्वातंत्र्यवीर सावरकरांचे नाव
‘लाडकी बहीण’ योजनेचे पैसे सरकारने घेतले परत ? वाचा काय आहे प्रकरण !
चीनमध्ये पुन्हा कोरोनासारख्या नव्या विषाणूचा कहर, जगाची चिंता वाढली
