मोठी बातमी : ‘तारक मेहता का उल्टा चष्मा’ मालिकेतील अभिनेता बेपत्ता

27 April 2024

Roshan Singh Sodhi : सोनी सबवरील ‘तारक मेहता का उल्टा चष्मा’ या मालिका सातत्याने कोणत्या ना कोणत्या चर्चेत असते आता पुन्हा या मालिकेतील एक संदर्भात एक महत्वाची माहिती समोर येत आहे. या मालिकेतील रोशन सिंग सोढी (Roshan Singh Sodhi) ही भूमिका साकारणारा अभिनेता बेपत्ता असल्याची खळबळजनक माहिती समोर येत आहे. या बातमीने चाहत्यांमध्ये चिंता वाढली आहे. (Taarak Mehta Ka Ooltah Chashmah)

‘तारक मेहता का उल्टा चष्मा’ ही मालिका देशातील घराघरात पोहोचलेल्या मालिकांपैकी एक आहे. मात्र या मालिकेतील रोशन सिंग सोढी (Roshan Singh Sodhi) भूमिका साकारणारा अभिनेता गुरुचरण सिंग अचानक गायब झाल्याने चिंता व्यक्त केली जात आहे. अभिनेता गुरुचरण सिंग हा गेल्या 4 दिवसांपासून बेपत्ता आहे. यामुळे एकच खळबळ उडाली आहे.

गुरुचरण सिंग याच्या वडिलांनी त्याची बेपत्ता झाल्याची तक्रार पोलिसांकडे केली आहे. अभिनेता गुरुचरण सिंग अचानक गायब झाल्याने चिंता व्यक्त केली जात आहे. पोलिसांकडून आता त्याचा शोध सुरू आहे.

22 एप्रिल रोजी दिल्लीहून मुंबईला येण्यासाठी गुरुचरण सिंग घरातून निघाला होता. मात्र, तो मुंबईला पोहोचलाच नाही. तसंच दिल्लीतील आपल्या घरीदेखील तो आला नाही. विमानतळावर अधिक माहिती घेतली असता गुरुचरण सिंह विमानात बसलाच नसल्याची माहिती समोर आली आहे.

दरम्यान, गुरुचरण सिंग याने 4 दिवसांपूर्वी वडिलांचा वाढदिवस साजरा केला होता. याचा एक व्हिडीओ देखील सोशल मीडियावर त्याने शेअर केला होता. अभिनेत्याचा व्हिडीओ सध्या सोशल मीडियावर तुफान व्हायरल होत आहे. वडिलांसोबत खास व्हिडीओ पोस्ट करत अभिनेत्याने वडिलांना वाढदिवसाच्या शुभेच्छा दिल्या आहेत.