नाशिक : कॉ. राजाराम निकम स्मृती पुरस्कार आणि आदर्श ग्रामपंचायत कर्मचारी पुरस्कारांचे वितरण सोहळा 25 डिसेंबर 2024 रोजी ग्रामसेवक भवन, बाजीराव नगर, तिडके कॉलनी येथे संपन्न झाला. हा कार्यक्रम नाशिक जिल्हा ग्रामपंचायत कर्मचारी संघ आणि आयटक यांच्या संयुक्त विद्यमाने आयोजित करण्यात आला होता. (Nashik)
कार्यक्रमाचे उद्घाटन कॉ. एडवोकेट दत्ताजी निकम यांच्या हस्ते झाले, तर अध्यक्षस्थानी राज्य सरचिटणीस ग्रामपंचायत कर्मचारी महासंघाचे कॉ. नामदेव चव्हाण होते. प्रमुख पाहुणे म्हणून नाशिक जिल्हा आयटकचे अध्यक्ष कॉ. व्ही.डी. धनवटे आणि जिल्हा परिषद कर्मचारी महासंघाचे अध्यक्ष अरुण आहेर उपस्थित होते.
राज्यस्तरीय कॉ. राजाराम निकम स्मृती पुरस्काराने कैलास वाघचौरे यांना सन्मानित करण्यात आले. पुरस्काराचे स्वरूप 11 हजार रुपये रोख रक्कम होते. वाघचौरे यांनी आपल्या आनंदात 40 हजार रुपयांची भर घालून ग्रामपंचायत कर्मचाऱ्यांच्या पाल्यांसाठी मदत उपक्रम सुरू करण्याचे आवाहन केले.
जिल्हास्तरीय आदर्श ग्रामपंचायत कर्मचारी पुरस्कारांमध्ये नाशिक जिल्ह्यातील विविध तालुक्यांतील 22 कर्मचाऱ्यांना सन्मानित करण्यात आले. पुरस्कार विजेत्यांमध्ये राहुल वाघ (मालेगाव), त्र्यंबक बोर्हाडे (इगतपुरी), निलेश मोरे (कळवण), शरद गायकवाड (दिंडोरी), आरती हिवाळे (येवला) आदींचा समावेश होता. विशेष सेवा पुरस्कार विजेते म्हणून अर्पणा साळवे (निफाड), विजय दुगधे (दिंडोरी), दिलीप चौरे (बागलाण) आदींना गौरविण्यात आले. (Nashik)
कॉ. नामदेव चव्हाण यांनी अध्यक्षीय भाषणात कॉ. राजाराम निकम यांच्या योगदानाचे स्मरण करून ग्रामपंचायत कर्मचाऱ्यांच्या हक्कांसाठी सुरू असलेल्या लढ्याला पाठबळ दिले. त्यांनी सरकारी कर्मचारी दर्जा मिळेपर्यंत हा लढा सुरूच राहील, असे सांगितले. दत्ता निकम यांनी राजाराम निकम यांच्या कार्याचा गौरव करत ग्रामपंचायत कर्मचारी चळवळीची आठवण सांगितली.
कार्यक्रमाचे प्रास्ताविक कॉ. सखाराम दुर्गुडे यांनी केले, तर आभार प्रदर्शन उज्ज्वल गांगुर्डे यांनी केले. या कार्यक्रमाला आयटकचे राज्य सचिव कॉ. राजू देसले यांचा चीन अभ्यास दौरा केल्याबद्दल सत्कार करण्यात आला.
हा सोहळा ग्रामपंचायत कर्मचाऱ्यांसाठी प्रेरणादायी ठरला असून त्यांच्या हक्कांसाठी एकत्रितपणे काम करण्याचा निर्धार या कार्यक्रमातून व्यक्त करण्यात आला.
हे ही वाचा :
मोठी बातमी : विमानाचा भीषण अपघात, 42 जणांच्या मृत्यूची शक्यता
मोठी बातमी : लाडक्या बहीणींच्या खात्यात आजपासून जमा होणार डिसेंबरचा हप्ता
इयत्ता पाचवी ते आठवी ढकलगाडी अखेर बंद, केंद्रीय शिक्षण मंत्रालयाचा मोठा निर्णय!!
प्रसिद्ध चित्रपटनिर्माते श्याम बेनेगल यांचे ९० व्या वर्षी निधन
प्रेयसीने प्रियकराचा प्राईव्हेट पार्ट कापून केला धडापासून वेगळा, वाचा काय आहे कारण
गायांनी कारचा पाठलाग करत वासराला वाचवलं, पहा भावनिक व्हिडिओ