Pune : धक्कादायक ! पुण्यात ‘ऑनर किलिंग’, आंतरधर्मीय विवाहाचा राग!

10 July 2024

Pune : पुण्यात एक धक्कादायक घटना घडली आहे. आंतरधर्मीय विवाहामुळे एका साडूने आपल्या साडूची हत्या केल्याचा प्रकार समोर आला आहे. हत्येच्या या घटनेने संपूर्ण शहरात खळबळ उडाली आहे. (Pune)

अमीर शेख (वय 25) या तरुणाने आंतरधर्मीय विवाह केल्यामुळे त्याचा खून करण्यात आला. मोशी येथील आदर्श नगर येथे 15 जूनला ही घटना घडली. आरोपी पंकज विश्वनाथ पाईकराव याने आपल्या मेहुण्यांच्या मदतीने अमीर शेखची हत्या केली. अमीर शेख याने पंकज विश्वनाथ पाईकराव याच्या बायकोच्या बहिणीसोबत आंतरधर्मीय लग्न केले होते, याचा राग मनात ठेऊन त्याने ही हत्या केल्याचे सांगितले जात आहे. (Pune)

हत्या केल्यानंतर आरोपींनी मृतदेहाचे पुरावे नष्ट करण्यासाठी त्याचा मृतदेह जाळून तुकडे केले आणि ते नदीपात्रात फेकले. एमआयडीसी भोसरी पोलिस ठाण्यात या प्रकरणी गुन्हा दाखल करण्यात आला असून, आरोपींना IPC कलम 364, 302, 201, 120 ब आणि 34 अंतर्गत दोषी ठरवण्यात आले आहे.

घटनेच्या अधिक तपासादरम्यान असे समजले की, 15 जून रोजी आरोपींनी अमीर शेखला दारू पिण्यासाठी बोलावले आणि त्याचे अपहरण करून त्याची हत्या केली. अमीर शेखची पत्नीने पती बेपत्ता झाल्याची तक्रार भोसरी एमआयडीसी पोलीस ठाण्यात दाखल केली होती. त्यानंतर तपासादरम्यान हत्येचा उलगडा झाला. (Pune)

या प्रकरणी तिघांना अटक करण्यात आली आहे, तर एक आरोपी गणेश दिनेश गायकवाड अजूनही फरार आहे. पंकज विश्वनाथ पाईकराव, सुशांत गोपाळ गायकवाड, आणि सुनील किशन चक्रनारायण यांना अटक करण्यात आली आहे. गणेश गायकवाड फरार असून पोलीस त्याचा शोध घेत आहेत.

Pune धक्कादायक घटना

या घटनेमुळे समाजात धर्म आणि जात या जोखडात अडकलेल्या लोकांमुळे किती गंभीर आणि धक्कादायक घटनांचा सामना करावा लागतो हे पुन्हा एकदा समोर आले आहे. गुन्हेगारांना कठोरात कठोर शिक्षा व्हावी अशी मागणी आता करण्यात येत आहे.