PCMC : सिद्धार्थ गौतम बुद्ध उद्यानात वटपौर्णिमा उत्साहात साजरा!

22 June 2024

पिंपरी चिंचवड / क्रांतीकुमार कडुलकर : निसर्गतःच दीर्घायुषी असणाऱ्या वृक्षांचे संवर्धन आणि जतन व्हावे अशा हेतूने वड, पिंपळ अशा वृक्षांची पूजा करण्याची कल्पना भारतीय संस्कृतीने स्वीकारली असावी. एखाद्या जातीचा वृक्ष एकदा पवित्र मानला की त्याची सहसा तोड होत नाही. असे डॉ. सावित्री कानडे यांनी सांगितले. pcmc

हिंदू पंचांगातील ज्येष्ठ महिन्यात येणारी पौर्णिमा हा दिवसनवटपौर्णिमा म्हणून साजरा केला जातो.
ह्या दिवशी स्त्रिया वटपौर्णिमा (vat paurnima) नावाचे व्रत करतात. या व्रतादरम्यान विवाहित स्त्रिया आपल्या पतीला उत्तम आरोग्य लाभावे, दीर्घायुष्य प्राप्त व्हावे म्हणून वडाच्या झाडाची पूजा करतात. सिद्धार्थ गौतम बुद्ध उद्यानात महिलांनी वट पूजनाचे वेळी प्रार्थना केली.

सावित्रीने आंतरिक गुणांची पारख करून निवडलेल्या वरास आई-बाप आणि देवगुरू यांच्या विरोधाला डावलून माळ घातली, व पतीचे प्राण वाचवण्याचे अवघड काम चिकाटीने, दुर्दम्य इच्छाशक्तीने आणि चातुर्याने करून दाखविले. PCMC

हल्ली बिझी लाईफमध्ये सण उत्सवात देखील शॉर्टकट मारण्याचा सिलसिला सुरू झाला आहे. यात वटपौर्णिमा देखील सुटली नाही. वडाच्या झाडाजवळ पूजेसाठी न जाता शहरात सर्रासपणे वडाच्या झाडांची कत्तल करून त्याच्या फांद्या बाजारात विकण्यासाठी आणल्या जातात. पूजाअर्चा झाल्यावर त्या फांद्या रस्त्यावर किंवा कचऱ्यात फेकल्या जातात. असे करणे चुकीचे आहे असे डॉ. सावित्री कानडे यांनी उपस्थित महिलना प्रबोधन केले. pcmc

अशा या पवित्र सणाचं औचित्य साधून श्रीमंत छत्रपती शिवाजी महाराज प्रतिष्ठान,महात्मा फुलेनगर,चिंचवड येथील श्री गणेश मंदिराच्या प्रांगाणात असलेल्या वडाच्या झाडाची परिसरातील महिला भगिनीनी सालाबादाप्रमाणे पुजा करण्यासाठी प्रचंड संख्येने जमले होते.

सुवासिनी एकमेकांना औक्षण करून व ओटी भरून वट भरण्याच्या शुभेच्छा दिल्या.