मंत्री धनंजय मुंडेंची संपत्ती 5 वर्षात दुप्पट;आता एकूण संपत्ती किती?

25 October 2024

Dhananjay Munde :अजित पवार गटाचे नेते आणि कृषिमंत्री धनंजय मुंडे यांनी परळी विधानसभा मतदारसंघातून महायुतीचे उमेदवार म्हणून पुन्हा एकदा निवडणुकीत आपला उमेदवारी अर्ज दाखल केला आहे.त्यांनी अर्ज दाखल करताना कोणतेही शक्तीप्रदर्शन न करता आपला उमेदवारी अर्ज दाखल केला आहे.विशेष म्हणजे, या वेळी भाजप नेत्या आणि धनंजय मुंडे यांच्या बहीण आमदार पंकजा मुंडे देखील उपस्थित होत्या.

धनंजय मुंडे यांनी उमेदवारी अर्जासोबत निवडणूक आयोगाकडे आपले संपत्तीचे विवरणपत्र सादर केले आहे. धनंजय मुंडे यांनी सादर केलेल्या शपथपत्रातून त्यांच्याकडे असलेल्या एकूण संपत्तीचा आकडा समोर आला आहे. 2024 मध्ये सादर केलेल्या या शपथपत्रानुसार, मुंडे यांच्या संपत्तीत गेल्या 5 वर्षांत दुपटीने वाढ झाली असून त्यांच्याकडे एकूण 53.80 कोटी रुपयांची संपत्ती आहे. 2019 मध्ये त्यांनी 23 कोटी रुपयांची संपत्ती जाहीर केली होती, जी आता 31 कोटी रुपयांनी वाढली आहे.

धनंजय मुंडे यांच्या कुटुंबाकडे मिळून सुमारे 53 कोटी 80 लाख रुपयांची संपत्ती आहे. त्याचबरोबर त्यांच्या नावे 15 कोटी 55 लाख 5 हजार 105 रुपयांचे विविध वाहने असून, त्यात विविध प्रकारची वाहने आहेत, ज्यात टँकरपासून बुलेटपर्यंतची सात वाहने आहेत. तसेच, त्यांच्याकडे 190 ग्रॅम सोने, 1.5 किलो चांदी आणि 15 कोटींची वाहने आहेत.

2019 पासून त्यांची संपत्ती 23 कोटींवरून 53.80 कोटींवर पोहोचली आहे, ज्यामध्ये तब्बल 31 कोटी रुपयांची वाढ झाली आहे. धनंजय मुंडे यांनी त्यांच्या संपत्तीची सविस्तर माहिती निवडणूक आयोगाकडे सादर केली आहे.