Ladki Bahin Yojana : लाडकी बहीण योजनेचे ‘या’ दिवशी बँक खात्यात जमा होणार पैसे

12 July 2024

0

मुंबई : राज्य सरकारने महिलांच्या आर्थिक सक्षमीकरणासाठी महत्त्वपूर्ण पाऊल उचलत मुख्यमंत्री लाडकी बहीण योजनेची (Ladki Bahin Yojana) घोषणा केली आहे. या योजनेची अंमलबजावणी 1 जुलैपासून सुरु झाली असून, महिलांच्या बँक खात्यात जुलै महिन्यापासून या योजनेचे पैसे जमा होणार आहेत.

---Advertisement---

सुरुवातीला या योजनेसाठी अर्ज भरण्याची मुदत 15 जुलै होती. परंतु अंगणवाडी, ग्रामपंचायती, सेतू केंद्र आणि सरकारी कार्यालयांमध्ये महिलांची प्रचंड गर्दी होत असल्याचे पाहून राज्य सरकारने ही मुदत 31 ऑगस्टपर्यंत वाढवली आहे. त्यामुळे अधिकाधिक महिलांना या योजनेचा लाभ मिळू शकेल.

आतापर्यंत ज्या महिलांचे अर्ज पूर्ण झाले आहेत, त्यांची तात्पुरती पात्र लाभार्थ्यांची यादी 16 जुलैला जाहीर होणार आहे. तसेच, 1 ऑगस्टला लाडकी बहीण योजनेच्या (Ladki Bahin Yojana) लाभार्थ्यांची अंतिम यादी प्रसिद्ध केली जाईल. यानंतर, 14 ऑगस्टला या योजनेचे पैसे महिलांच्या खात्यात जमा करण्याची प्रक्रिया सुरु होणार आहे. साधारणत: 15 ऑगस्टपर्यंत राज्यातील सर्व महिलांना ही रक्कम मिळेल.

---Advertisement---

ऑगस्ट महिन्यानंतर, दर महिन्याच्या 15 तारखेला महिलांच्या बँक खात्यात दीड हजार रुपयांची रक्कम जमा होणार आहे. राज्य सरकारच्या या निर्णयामुळे महिलांचे आर्थिक सक्षमीकरण होईल आणि त्यांच्या जीवनात सकारात्मक बदल घडतील, असा विश्वास व्यक्त करण्यात येत आहे.