मोठी बातमी : राज्यात अतिवृष्टीचा इशारा ; प्रशासनाकडून सतर्कतेचा इशारा

8 June 2024

Monsoon : राज्यात मान्सून दाखल झाला असून अनेक ठिकाणी पावसाला सुरूवात झाली आहे. अशातच आता हवामान विभागाने पुढील दोन दिवस राज्यात मुसळधार पाऊस पडण्याची शक्यता वर्तवली आहे. तसेच राज्यातील काही ठिकाणी अतिवृष्टीचा इशारा देण्यात आला आहे. (Monsoon Update)

महाराष्ट्रात काही ठिकाणी पावसाचे आगमन झाले असून राज्यात पुढील पाच दिवसांमध्ये जोरदार पाऊस पडण्याची शक्यता हवामान विभागाकडून देण्यात आली आहे. येत्या 10 जून रोजी मान्सून महाराष्ट्रात दाखल होण्याची शक्यता हवामान खात्याने दिली आहे. तसेच, राज्यात येत्या पाच दिवसांमध्ये जोरदार पाऊस पडण्याची शक्यता हवामान विभागाने वर्तवली आहे. हवामान विभागाकडून कोकण, मराठवाड्यात पावसाचा यलो अलर्ट देण्यात आला आहे.

Monsoon Update

हवामान खात्याच्या अंदाजानुसार, यंदा मान्सून वेळेच्या आधीच केरळमध्ये दाखल झाला असून तो आता भारताच्या इतर भागात पोहोचायला सुरुवात झाली आहे. पुढील चार ते पाच दिवस राज्यात पावसाचा जोर राहील. रविवारपासून पुढील तीन दिवस मुंबईसह संपूर्ण किनारपट्टी, पश्चिम घाट, दक्षिण – मध्य महाराष्ट्रात बहुतेक ठिकाणी अतिवृष्टी होण्याचा अंदाज हवामान विभागाने वर्तवला आहे. या पार्श्वभूमीवर प्रशासनाने नागरिकांना सावधगिरी बाळगण्याचे निर्देश दिले आहेत.