Junnar : जिल्हा परिषद प्राथमिक शाळा शिरोलीपूर शाळेत शैक्षणिक साहित्य आणि पुस्तकांची भेट

21 June 2024

Junnar/ आनंद कांबळे : जुन्नर तालुक्यातील शिरोली (पूर) येथील जि.प प्राथमिक शाळेत शैक्षणिक साहित्य व दप्तर वाटप कार्यक्रम संपन्न झाला. ज्ञानज्योती क्रांतीज्योती सावित्रीबाई फुले यांच्या प्रतिमेचे पूजन करून कार्यक्रमाची सुरुवात झाली कार्यक्रमाच्या अध्यक्षस्थानी देवराम कोठारे होते. (Junnar)

कार्यक्रमाच्या सुरुवातीला इयत्ता पहिलीच्या वर्गात दाखल झालेल्या विद्यार्थ्यांना आनंद कांबळे यांनी शालेय दप्तर देऊन विद्यार्थ्यांचे स्वागत केलं तर कोठारे यांनी गुरुवर्य कृष्णाराव अर्जुन केळुसकर व महाराष्ट्राचे शिल्पकार क्रांतिवीर नागनाथ अण्णा नायकवडी यांचे आत्मचरित्र भेट देवून शिक्षकांचे स्वागत केलं. अभिनव प्रज्ञाशोध परीक्षेत राज्यात नवव्या क्रमांकावर असणारा आमच्या शाळेचा आदर्श विद्यार्थी अथर्व भरत दिघे याचा सन्मान करण्यात आला.

देवराम कोठारे, विलास किरोते, दिलीप चिंचवडे, अशोक कारके, जोसेफ थॉमस यांच्या माध्यमातून शालेय वाचनालयासाठी 75 पुस्तके भेट म्हणून देण्यात आली. या कार्यक्रमासाठी प्रमुख पाहुणे म्हणून सुदाम मारुती दिघे, माजी सरपंच पोपट पोटे, शिक्षणा फाउंडेशन स्वाती जोशी आदी उपस्थित होते. (Junnar)

कार्यक्रमाचे नियोजन शाळा व्य.समिती अध्यक्ष मारुती बन्सी दिघे, काळू लांघी, तान्हाजी दिघे यांनी केले. सूत्रसंचालन मुख्याध्यापक अंकुश साबळे यांनी केले तर आभार दत्तात्रय भोईर यांनी मानले.