Nashik :आता आश्रमशाळेतही येणार नर्स! नर्सिंग झालेल्यांना नोकरीच्या संधी

14 September 2024

0

Nashik: आदिवासी आश्रमशाळेतील विद्यार्थ्यांच्या आरोग्याबाबतच्या तक्रारींची दखल घेत आदिवासी विकास विभागाकडून राज्यातील आश्रमशाळांमध्ये शासकीय बाह्यस्रोताद्वारे ‘नर्स’ची पदे भरण्याचा निर्णय घेतला आहे. त्यामुळे अनुसूचित जमातीच्या विद्यार्थ्यांवर आश्रमशाळेतच प्रथमोपचार करण्याचा मार्ग मोकळा होणार आहे. या निर्णयामुळे नर्सिंग झालेल्यांना आश्रमशाळांमध्ये नोकरीची संधी निर्माण होणार आहे.

आदिवासी विकास विभागाच्या राज्यात 499 आश्रमशाळा असून, त्यामध्ये सुमारे 2 लाख विद्यार्थी शिकतात. ‘नर्स’ची नियुक्ती होणार असल्याने विद्यार्थ्यांना वेळेवर योग्य प्रथमोपचार मिळणार आहेत.

याबाबत आदिवासी विकास विभागाच्या आयुक्त नयना गुंडे म्हणाल्या आहेत की, “आश्रमशाळेतच विद्यार्थ्यांना प्रथमोपचारास इतर वैद्यकीय सेवा उपलब्ध करून देण्यासाठी ‘नर्स’ची नियुक्ती केली जाणार आहे.”