Heavy rain : राज्यात मुसळधार पाऊसाचा इशारा, तर काही जिल्ह्यांना रेड अलर्ट

4 August 2024

मुंबई : हवामान विभागाने आज राज्यात अतिवृष्टीचा इशारा दिला असून, मुंबईसह कोकण आणि पश्चिम महाराष्ट्रात मुसळधार पावसाचा (Heavy rain) इशारा दिला आहे. या पार्श्वभूमीवर नागरिकांनी गरज नसल्यास घराबाहेर पडू नये, असे आवाहन करण्यात आले आहे.

कोकणातील रायगड, रत्नागिरी, ठाणे आणि पालघर जिल्ह्यांना ऑरेंज अलर्ट तर पश्चिम महाराष्ट्रातील पुणे आणि सातारा जिल्ह्यांना रेड अलर्ट (Heavy rain) जारी करण्यात आला आहे. तसेच, मुंबई, रत्नागिरी, रायगड, सिंधुदुर्ग, नाशिक, कोल्हापूर या जिल्ह्यांना ऑरेंज अलर्ट आणि धुळे, नंदुरबार, जळगाव, संभाजीनगर, जालना, परभणीसह विदर्भातील सर्व जिल्ह्यांना यलो अलर्ट देण्यात आला आहे.

धरणांचा जलसाठा वाढला, विसर्ग सुरू

पुणे जिल्ह्यातील खडकवासला, पवना, मुळशी आणि चासकमान धरणांच्या पाणलोट क्षेत्रात मुसळधार पाऊस पडत असल्याने धरणे भरली आहेत. त्यामुळे या धरणातून मोठ्या प्रमाणात विसर्ग सुरू करण्यात आला आहे. पुणे, पिंपरी-चिंचवड आणि परिसरातील नद्यांच्या पूररेषेलगतच्या भागात आणि कोयना धरणातूनही मोठ्या प्रमाणात विसर्ग सुरू आहे.

नागरिकांची सुरक्षा महत्त्वाची (Heavy rain)

राज्य सरकारने कृष्णाकाठच्या गावातील, पूररेषेलगत आणि सखल भागातील नागरिकांच्या सुरक्षेची काळजी घेण्याचे निर्देश प्रशासनाला दिले आहेत. या भागातील नागरिकांना सुरक्षित स्थळी स्थलांतरित करण्याचे आवाहन करण्यात आले आहे.