Uddhav Thackeray : पंतप्रधान नरेंद्र मोदी यांच्यासह अनेक भाजप नेते उद्धव ठाकरे यांच्या पक्षाला नकली सेना म्हणून टीका करत असतात. यावर आता उद्धव ठाकरे यांनी चांगलाच समाचार घेतला आहे. भाजपचे राष्ट्रीय अध्यक्ष जे. पी. नड्डा यांच्या एका विधानाचा संदर्भ घेत ज्यांनी राजकीय जन्म दिला त्या संघालाही भाजप नष्ट करून टाकेल, अशी घणाघाती टीका उद्धव ठाकरे (Uddhav Thackeray) यांनी केली आहे. मुंबईत इंडिया आघाडीने संयुक्त पत्रकार परिषद झाली त्यावेळी ठाकरे बोलत होते.
भाजपचे राष्ट्रीय अध्यक्ष जे. पी. नड्डा यांनी इंडियन एक्सप्रेस या वृत्तपत्राला दिलेल्या मुलाखतीत मोठं वक्तव्य केलं होतं. भाजपला एकेकाळी संघाची गरज लागायची. मात्र, आता आमचा पक्ष सक्षम आहे, असं जे. पी. नड्डा म्हणाले होते. राष्ट्रीय स्वयंसेवक संघ ही सांस्कृतिक आणि सामाजिक संस्था आहे, तर भाजप हा राजकीय पक्ष आहे, असेही नड्डा म्हणाले. यावरच आज उद्धव ठाकरे (Uddhav Thackeray) यांनी प्रतिक्रिया दिली.
काय म्हणाले Uddhav Thackeray ?
उद्धव ठाकरे म्हणाले की, जे पी नड्डा म्हणाले होते देशात एकच पक्ष राहील. म्हणजे आता हे संघाला सुद्धा नष्ट करायला निघाले आहेत. नड्डा म्हणतात भाजप स्वयंपूर्ण झालाय म्हणजे ज्यांनी राजकीय जन्म दिलाय त्या संघाला तुम्ही नष्ट करायला निघाले आहेत, अशी टीका उद्धव ठाकरेंनी केली आहे.
पुढे ठाकरे म्हणाले, मी कालच म्हटलंय हे आम्हाला नकली सेना म्हणतातय, उद्या आरएसएसलासुद्धा नकली संघ म्हणतील. योगायोगाने नड्डांची ही मुलाखत समोर आली, असं उद्धव ठाकरे म्हणाले आहेत.
दरम्यान, मुंबईत झालेल्या या पत्रकार परिषदेला काँग्रेस अध्यक्ष मल्लिकार्जुन खर्गे, शरद पवार, उद्धव ठाकरे हे उपस्थित होते.
हेही वाचा :
ब्रेकिंग : सोन्याच्या किंमतीत विक्रमी वाढ, चांदीचाही विक्रम
ब्रेकिंग : भाजपचे राष्ट्रीय अध्यक्ष जेपी नड्डा यांचे RSS बद्दल मोठे विधान
पुण्यात विकृतीचा कळस ! पत्नीच्या गुप्तांगला लावले कुलूप
महाराष्ट्र राज्य लॉटरीच्या एप्रिल महिन्यातील मासिक व साप्ताहिक सोडतीचा निकाल जाहीर
मोठी बातमी : कन्हैया कुमार यांच्यावर प्रचारा दरम्यान हल्ला
शिरूर: स्ट्राँगरुममधील सीसीटीव्ही चित्रीकरणाचा सर्व डाटा सुरक्षित –जिल्हाधिकारी डॉ. सुहास दिवसे
शासकीय निमशासकीय विभागात विविध पदासाठी भरती; 10 वी, 12 वी, ITI उत्तीर्णांना सुवर्णसंधी
ब्रेकिंग : लिपिक टंकलेखक संवर्गाच्या टंकलेखन कौशल्य चाचणीसाठी उमेदवारांची यादी जाहीर